កម្មកររោងចក្រ Winson International Garment ដួលសន្លប់ជាច្រើននាក់ មិនទាន់ដឹងមូលហេតុ

កំពង់ស្ពឺ : កម្មការិនីបម្រើការងារ នៅរោងកាត់ដេរ សម្លៀកបំពាក់ Winson International Garment ស្ថិតនៅ តាមផ្លូវជាតិលេខ៤ ភូមិរំដួល ឃុំត្រពាំងគង ស្រុកគងពិសី ខេត្តកំពង់ស្ពឺ បានដួលសន្លប់ ជាច្រើននាក់ ជាបន្ត បន្ទាប់ នៅវេលាម៉ោង ២ រសៀលថ្ងៃទី២ ខែតុលា ឆ្នាំ២០១៥នេះ ដោយមិនទាន់ដឹងមូលហេតុ ពីព្រោះខាងភាគី រោងចក្រ មិនអោយនគរបាលមូលដ្ឋានចុះទៅសួរនាំនោះឡើយ។

លោក យន្ត វន នាយនគរបាលប៉ុស្តិឃុំត្រពាំងគង បានថ្លែងថា ចំនួនអ្នកដួលសន្លប់នោះ ខ្ញុំ មិនទាន់ដឹងនោះទេ ដោយសារតែខាងរដ្ឋបាលរោងចក្រ មិនអោយកម្លាំងខ្ញុំ ចូលទៅក្នុង បានត្រឹមនៅខាងក្រៅរោងចក្រ ។

លោកមេប៉ុស្តិបានបញ្ជាក់ថា ខ្ញុំមេប៉ុស្តិហើយ គេមិនអោយចូលទៀត ហើយតាមការឃើញជាក់ស្តែង ដែលរថយន្ត ដឹកជនរងគ្រោះចេញពីរោងចក្រមកនោះ មាន២រថយន្ត ។