រុស្ស៊ីប្តេជ្ញាបន្តទម្លាក់គ្រាប់លើស៊ីរី ឯបាស្ឆា អាល់អាសាដ មានទំនុកចិត្តខ្លាំង

ចាប់​តាំង​ពី​ថ្ងៃ​ពុធ​ទី ៣០​តុលា​​​មក ​ដែល​រុស្ស៊ី​បាន​ចេញ​ប្រតិបត្តិការ​ វាយ​ប្រហារ​តាម​ផ្លូវ​អាកាស ​ដើម្បី​​បំបែក​ក្រុម​ភេរវកម្ម​នៅ​ស៊ីរី។ តែ​អន្តរាគមន៍​នេះ ​ត្រូវ​បាន​ប្រទេស​មហា​អំណាច​នៅ​អឺរ៉ុប​ ក៏​ដូច​ជា​អាមេរិក ​មាន​ការ​មិន​ទុក​ចិត្ត​ ដោយ​គេ​ក្រែង​ថា ​រុស្ស៊ីធ្វើ​ការ​វាយ​ប្រហារ​ទៅ​លើ​ក្រុម​ឧទ្ទាម​ប្រឆាំង​រដ្ឋា​ភិបាល​ស៊ីរី ​ជាជាង​ការ​កម្ទេច​ក្រុម​ជីហាដ​អង្គការ​រដ្ឋអ៊ីស្លាម។ ទោះបី​ជា​យ៉ាង​ណា ​នៅ​ថ្ងៃ​នេះ​ រុស្ស៊ី​បាន​ប្តេជ្ញា​បន្ត​ទម្លាក់​គ្រាប់​ត​ទៅ​ទៀត ​ហើយ​លោក​បាស្ឆា អាល់អាសាធ ​បាន​ថ្លែង​តាម​ទូរទស្សន៍​ថា ​មាន​ទំនុក​ចិត្ត​លើ​រុស្ស៊ី ក្នុង​ការ​ស្រោចស្រង់​តំបន់​ទាំង​មូល។