ពេល​ផ្ញើ ​CV ​តាម​អ៊ីម៉ែល​ ចៀសវាង​កំហុស​៤យ៉ាង​នេះ

ពេល​ផ្ញើ ​CV ​តាម​អ៊ីម៉ែល​ ចៀសវាង​កំហុស​៤យ៉ាង​នេះ

ការ​ផ្ញើ​ CV តាម​រយៈ​សារ​អេឡិចត្រូនិក​ (E-mail) ​​មាន​​លក្ខណៈ​ពេញ​និយម​​ណាស់​នា​ពេល​បច្ចុប្បន្ន ដោយ​មិន​ចាំ​បាច់​យក​ទៅ​​ដោយ​ផ្ទាល់​នៅ​​ដល់​ក្រុមហ៊ុន ​ឬ​ស្ថាប័ន​នោះ​ទេ។ ប៉ុន្តែ​តាម​រយៈ​ការ​ផ្ញើ​​តាម​អ៊ីម៉ែល​នោះ​ ក៏​អាច​ជះឥទ្ធិពល​មិន​ល្អ​ផង​ដែរ ប្រសិន​បើ​អ្នក​មិន​បាន​ដឹង​ច្បាស់​អំពី​របៀប​ផ្ញើ​ដែល​ត្រឹម​ត្រូវ​ទេ​នោះ។ វិបសាយ​ CV Plaza បាន​បង្ហាញ​​អំពី​កំហុស​មួយ​ចំនួន​ដូច​ខាង​ក្រោម៖ ​​

 

ពេល​ផ្ញើ ​CV ​តាម​អ៊ីម៉ែល​ ចៀសវាង​កំហុស​៤យ៉ាង​នេះ

 

១. សរសេរ​ចំណង​ជើង​ជា​អក្សរ​ធំ​ទាំង​អស់
អ្នក​​ដាក់​ពាក្យ​​រក​ការងារ​មួយ​ចំនួន​ ប្រើ​ប្រាស់​អក្សរ​ធំ​ៗ ( Capital Letters) ជា​ចំណង​ជើង​​ក្នុង Subject របស់អ៊ីមែល ​ផ្ញើ​ទៅ​ឲ្យ​ក្រុម​ហ៊ុន​ ឬ​ស្ថាប័ន​​​ ដើម្បី​​ទទួល​បាន​ការ​ចាប់​អារម្មណ៍ ឧទាហរណ៍​ ” MARKETING ASSISTANT”។ ផ្ទុយ​ទៅ​វិញ​វា​​មិន​​​ទទួល​បាន​​ការ​ចាប់​អារម្មណ៍​នោះ​ទេ ប៉ុន្តែ​វា​អាច​ជា​​ការ​រំខាន​មួយ​ទៅ​វិញ​នោះ​ទេ​។
២. សារ​​រាក់​ទាក់​ស្វាគមន៍​ពុំ​សមរម្យ​ត្រឹមត្រូវ
សារ​ស្វាគមន៍​​ក៏​បង្ហាញ​ពី​​លក្ខណៈ​ផ្លូវ​ការ​​​ ឬ​មិន​ផ្លូវ​ការ​នៃ​​​​ការ​ផ្ញើ​ CV របស់​អ្នកដែរ​​​។ អ្នក​មិន​គួរ​ប្រើ​ពាក្យ​មួយ​ចំនួន​ដូច​ខាង​ក្រោម៖ ​​​

-Hello,
-Hey,
-Hi,
-What’s up?
គួរ​ប្រើ​ពាក្យ​ ” Dear” ដែល​ជា​លក្ខណៈ​ផ្លូវ​ការ​ ជំនួស​ពាក្យ​ខាង​លើ​ក្នុង​ការ​សរសេរ​ស្វាគមន៍​ទៅ​កាន់​មន្ត្រី​អ្នក​ជ្រើស​រើស​បុគ្គលិក។​
សម្រាប់​ការ​បញ្ចប់​​ មិន​គួរ​ប្រើ​ពាក្យ​​​៖
-Bye,

-Bye bye,

-Cya

-Goodbye

-Thanks

-Cheers

– ការ​បញ្ចប់​ដោយ​សរសេរ​ឈ្មោះ​ ដោយ​ពុំ​មាន​ឃ្លា​បញ្ចប់​ត្រឹម​ត្រូវ។
សម្រាប់​ឃ្លា​បញ្ចប់​សមរម្យ​នោះ​គឺ៖ ​
-‘Yours Faithfully’ នៅ​ពេល​អ្នក​មិន​ស្គាល់​ឈ្មោះ​អ្នក​ទទួល​សារ។ ឧទាហរណ៍​​នៅ​ពេល​ផ្ដើម​ឃ្លា ‘Dear Sir/Madam’

-‘Yours Sincerely’ នៅ​ពេល​អ្នក​​​​​ស្គាល់​ឈ្មោះ​អ្នក​ទទួល​សារ។ ឧទាហរណ៍​​នៅ​ពេល​ផ្ដើម​ឃ្លា ‘Dear Mrs Sopheak Reaksa’
ឬ​ម្យ៉ាង​ទៀត​​ អ្នក​អាច​បញ្ចប់​ដោយ​ឃ្លា​៖

-Best regards,
{ឈ្មោះ​របស់​អ្នក​}

-Kind regards,
-{ឈ្មោះ​របស់​អ្នក}

-Best wishes,
{ឈ្មោះ​របស់​អ្នក}
៣. សរសេរ​​​រៀប​រាប់​ឆ្ងាយ​​​ពី​ប្រធាន​បទ​ការងារ​​
ការ​សរសេរ​​ផ្ញើ​ក្នុង​​អ៊ីម៉ែល​​​ រៀប​រាប់​ឆ្ងាយ​ពី​​ប្រធាន​បទ​ការងារ​​​គឺ​ធ្វើ​ឲ្យ​អ្នក​​​ទទួល​សារ​ចាត់​ទុក​ថា​អ្នក​សរសេរ​ពុំ​ផ្លូវ​ការ​។ គប្បី​​សរសេរ​ឲ្យ​ចំ​ៗ​គោល​បំណង​នៃ​ការ​ដាក់​ពាក្យ​ការងារ​តែ​ម្ដង ​​និង​ពត៌មាន​មួយ​ចំនួន​ពាក់ព័ន្ធ​នឹង​ក្រុម​ហ៊ុន​ដែល​បាន​​ដាក់​ពាក្យ​។ ​មិន​ចាំបាច់​រៀប​រាប់​ច្រើន​ ព្រោះ​ខ្លឹម​សារ​ទាំង​អស់​នឹង​រ៉ាយរ៉ាប់​​បន្ថែម​ក្នុង​ CV និង​​ Cover Letter។
ទម្រង់​គំរូ​សមរម្យ​​ដូច​ជា៖ ​​​​
Dear Sir/Madam

My name is _______ and I received your contact information through your company web site. I am interested in applying for a position in your Accounts department, and currently have over two years of experience in this area.

Please find attached to this e-mail a copy of my CV that details my past experience.

I will follow up with you during the week to confirm that you have received this e-mail. I look forward to speaking with you.
Regards,
________
៤. ការ​ភ្ជាប់​ CV និង​ Cover Letter (Attachments)

 

ការ​ភ្ជាប់​​​ CV និង​ Cover Letter ​គួរ​បង្កើត​ឈ្មោះ​ឯកសារ​ឲ្យ​​បាន​សមរម្យ​ច្បាស់​លាស់​​ផង​ដែរ​ដើម្បី​អ្នក​ទទួល​សារ​ងាយ​ស្រួល​រក​មើល​។ ការ​ដាក់​ឈ្មោះ​ ‘Attachment 1′ និង ‘Attachment 2′ ​គឺ​អាច​ធ្វើ​ឲ្យ​​​អ្នក​ទទួល​សារ​​គិត​ថា ​អ្នក​ជា​មនុស្ស​​គ្មាន​សណ្ដាប់​ធ្នាប់​មិន​ដឹង​ថា​​មួយ​ណា​ជា​ CV ឬ Cover Letter។ គប្បី​សរសេរ​ដាក់​ ថា​ CV រួច​​ដាក់​ឈ្មោះ ​និង​ត្រកូល​​តែ​ម្ដង។ អ្វី​ដែល​​​​ត្រូវ​ឲ្យ​ប្រាកដ​មួយ​ទៀត​នោះ​គឺ​ភ្ជាប់​ឯកសារ​គប្បី​ជា​ File PDF ព្រោះ​​​ងាយ​ស្រួល​សម្រាប់​អ្នក​មើល និង​មាន​ទំហំ​​មិន​លើស​ពី​​ ២ MB៕
ចុចអាន៖ ការងារ​​​១២​ប្រភេទ​ ស័ក្ដិសម​សម្រាប់​អ្នក​​​ចូល​ចិត្ត​​ធ្វើ​ដំណើរ​​

ចុចអាន៖ ចង់​បាន​ការងារ​ធ្វើ​ពេល​រៀន​ចប់ និស្សិត​គួរ​គិត​លើ​អ្វី​ខ្លះ?

 

ប្រែ​សម្រួល៖ មាន​ រតនា
ប្រភព៖ cvplaza, rediff ​​​