អឺរ៉ុប​បើក​ប្រតិបត្តិការ​យោធា ដំបូង វាយស្ទាក់ ទូក​របស់​មេខ្យល់ ចេញពី​លីប៊ី

សហភាព​អឺរ៉ុប បាន​ផ្តើម​នៅថ្ងៃ​ពុធ​នេះ ប្រតិបត្តិការ​យោធា ប្រឆាំង​នឹង​ក្រុមឈ្មួញ​ជួញដូរ​មនុស្ស និង​ក្រុមមេខ្យល់ ក្នុង​សមុទ្រ​មេឌីទែរ៉ាណេ។ ប្រតិបត្តិការ ក្រោម​ឈ្មោះ​ថា Sophia ឈ្មោះ​របស់​ក្មេងស្រី​អន្តោប្រវេសន៍ ដែល​កើតនៅលើ​កប៉ាល់​សង្រ្គោះ​អ៊ីតាលី ត្រូវ​ដឹកនាំ​ដោយ​ឧត្តមនាវី អ៊ីតាលី និង​មាន​ការចូលរួម​ពី​កប៉ាល់ចម្បាំង និង​ទាហាន​១៣១៨​នាក់។ ប្រតិបត្តិការ​យោធា ដែល​មាន​ប្រទេស​អឺរ៉ុប​ចំនួន ២២​ចូលរួម មាន​ទិសដៅ ចាប់ស្ទាក់​ទូក​មេខ្យល់ និង​និង​ក្រុម​មេឈ្មួញ ជួញដូរ​មនុស្ស ចេញ​ពី​លីប៊ី។