លោក​ហ៊ុន សែន សាទរ​ការ​តម្លើង​ប្រាក់ខែ​គោល​របស់​កម្មករ​ ទោះបី​សហជីព​មិន​ទាន់​ពេញ​ចិត្ត​

​លោក​នាយក​រដ្ឋ​មន្រ្តី​ ហ៊ុន សែន​ នៅ​ថ្ងៃ​សុក្រ​នេះ ​បាន​កោត​សរសើរ​ចំពោះ​លទ្ធផល​នៃ​កិច្ច​ប្រជុំ​ត្រី​ភាគី​ ក្នុង​ការ​កំណត់​ប្រាក់​ឈ្នួល​ថ្មី​របស់​កម្មករ​-កម្មការិនី​រោង​ចក្រ​កាត់ដេរ​កាល​ពី​ថ្ងៃ​ព្រហស្បត្តិ៍​ ទី​៨​តុលា ម្សិលមិញ។ ​លោក ​ហ៊ុន សែន​ បាន​ចាត់​ទុក​ថា ​ការ​តម្លើង​ប្រាក់​ខែ​គោល​ដល់​១៤០​ដុល្លារ​នេះ ​គឺ​សមល្មម​បាន​ច្រើន​ជាង​មុន​ បូករួម​នឹង​ប្រាក់​បន្ថែម​ម៉ោង​ផ្សេង​ៗ​ទៀត។ ប៉ុន្តែ​ភាគី​សហជីព​ខ្លះ​នៅ​តែ​អះអាង​ថា​ មិន​ទាន់​សមរម្យ​នៅ​ឡើយ។​​