ទស្សនកិច្ចនៅ​តំបន់​ដើម​បូព៌ា ​របស់​នាយករដ្ឋមន្ត្រី​បារាំង

លើក​ទីមួយ​សម្រាប់​ លោក​នាយក​រដ្ឋ​មន្ត្រី​បារាំង ​ម៉ានុយអ៊ែល វ៉ាល់ស៍ ​ដែល​កំពុង​តែ​បំពេញ​ទស្សនកិច្ច ​នៅ​ តំបន់​ដើមបូព៌ា។ ក្នុងរយៈ​ពេល​៤ថ្ងៃ​ លោក ​នាយករដ្ឋមន្រ្តី​បារាំង​ នឹង​ធ្វើ​ដំណើរ​ទៅ​កាន់​ ប្រទេស ​អេហ្ស៊ីប ​អារ៉ាប៊ីសាអ៊ូឌីត ​និង​ប្រទេស​ហ្សកដានី។ ក្នុង​ដំណើរ​ទស្សនកិច្ច​នេះ ​ ប្រធានបទ​សំខាន់ ​គឺ​សំដៅ​ចរចា​ពី​កិច្ច​សន្យា ​ទិញ​លក់​សម្ភារៈ​យោធា​របស់​បារាំង ​មាន​ដូច​ជា​នាវា និង​យន្តហោះ​​រ៉ាហ្វាល់​ជាដើម។ ក្រៅពី​នេះ ​លោក​នាយក​រដ្ឋមន្ត្រី​ ​ក៏​នឹង​ពិភាក្សា​ផងដែរ​ ពី​បញ្ហា​សិទ្ធិ​មនុស្ស ​និង​វិបត្តិ​សង្រ្គាម​ នៅ​ស៊ីរី ​និង​អ៊ីរ៉ាក់ ​ដែល​កំពុងតែ​ធ្វើ​ឲ្យ​រញ្ជួយ​ស្ថិរភាព ​តំបន់​ដើមបូព៌ា​ទាំង​មូល។