​របប​អាហារ​ដ៏​ល្អ​បំផុត​មុន​ពេល និង​ក្រោយពេល​ហាត់ប្រាណ​រួច​

​របប​អាហារ​ដ៏​ល្អ​បំផុត​មុន​ពេល និង​ក្រោយពេល​ហាត់ប្រាណ​រួច​

​ការ​ហាត់ប្រាណ​ដ៏​មាន​ប្រសិទ្ធភាព​មួយ​អាស្រ័យ​ទៅលើ​កត្តា​ច្រើនណាស់ ហើយ​អ្វី​ដែល​សំខាន់ បំភុត​នោះ​គឺ​របប​អាហារ​តែម្តង​។ អ្វី​ដែល​អ្នក​ញ៉ាំ​មុន​ពេល​ហាត់ប្រាណ វា​នឹង​ធ្វើឱ្យ​រាងកាយ ត្រៀម ខ្លួន​សម្រាប់​សម្ពាធ​ហាត់ប្រាណ ហើយ​អាហារ​ក្រោយ​ពី​ហាត់ប្រាណ​វិញ​គឺ​មាន​តួនាទី​បង្កើត​សាច់ដុំ និង​ជួសជុល​នូវ​អ្វី​ដែល​ខូចខាត​។ ខាងក្រោម​នេះ​គឺជា​អ្វី​ដែល​អ្នក​ត្រូវ​ចងចាំ​ចំពោះ របប​អាហារ​សម្រាប់ ការ​ហាត់ប្រាណ​។

អាហារ​មុន​ហាត់ប្រាណ​
ញ៉ាំ​កាបូ​អ៊ី​ដ្រាត​
ចូរ​ផ្តល់ឱ្យ​រាងកាយ​នូវ​កម្រិត​ជាតិ​កាបូ​អ៊ី​ដ្រាត​មួយ​ក្នុង​រយៈពេល​មួយ​ម៉ោង​មុន​ពេល​ហាត់ប្រាណ​។ ចូរ​ញ៉ាំ​ផ្លែឈើ (​ផ្លែ​ប៉ោម​គឺជា​ជម្រើស​ដ៏​ល្អ​)​។ អ្នក​ក៏​អាច​ញ៉ាំ​ផ្លែ​ចេក​បានដែរ ព្រោះ​វា​មាន ជាតិ​កាបូ​អ៊ី​ដ្រាត​កំ​ផ្លេច​។ អាហារ​ទាំងនេះ​ត្រូវការ​ពេល​តិចតួច​ទេ​ក្នុង​ការរំលាយ ហើយ​ការផ្តល់ ភាពងាយស្រួល​ដល់​រាងកាយ និង​ថាមពល​ច្រើន​ក្នុង​ពេល​ហាត់ប្រាណ​ដែរ​។ ជាមួយគ្នានេះដែរ ចូរ​ប្រាកដថា អ្នក​បាន​ញ៉ាំ​ទឹក​មួយ​កែវ​រួច​មុន​ពេល​ហាត់ប្រាណ ដូច្នេះ​រាងកាយ​នឹង មិន​ខ្សោះ​ជាតិ​ទឹក ឡើយ​។

​មិន​ត្រូវ​ឃ្លាន​អាហារ​ឡើយ​
​មិន​ត្រូវ​ហាត់ប្រាណ​ដោយ​ពោះ​ទទេ​ឡើយ​។ សម្ពាធ​ដែល​បានដាក់​ពៅ​លើ​រាងកាយ​ក្នុងពេល ហាត់ប្រាណ បូករួម​នឹង​កង្វះ​ជាតិ​ស្ករ (​ថាមពល​)​ទៀត​នោះ វា​នឹង​នាំ​ឱ្យ​កង្វះ​ជាតិ​ស្ករ ដែល​នាំ ឱ្យ​ងាយ នឹង​អស់កម្លាំង​បាន​។

​ក្រោយពេល​ញ៉ាំ​អាហារ​ច្រើន​រួច​
​សម្រាប់​អ្នកជំងឺ​ទឹកនោម​ផ្អែម យក​ល្អ​គួរតែ​ហាត់ប្រាណ​ភ្លាមៗ​ក្រោយ​ពី​ញ៉ាំ​អាហារ​ច្រើនៗ​រួច​។ ទោះបីជា​យ៉ាងណា​ក៏ដោយ មនុស្ស​ធម្មតា​ម្នាក់​ត្រូវ​តែ​រក្សា​គំលាត​មួយ​ពី ពីរ​ទៅ​បី​ម៉ោង​នៅ​ចន្លោះ ពេល​ញ៉ាំ​អាហារ​ច្រើនៗ និង​ការ​ហាត់ប្រាណ​។ រឿង​នេះ​គឺ​ដើម្បី​ឱ្យ​ចំនួន​ជាតិ​ស្ករ​ក្នុង​ខ្លួន ឈាន​ដល់​កម្រិត​ខ្ពស់​បំផុត​សិន​។

អាហារ​ក្រោយពេល​ហាត់ប្រាណ​រួច​
​ប្រើ​បង្អួច (window)
​ក្នុងពេល​ហាត់ប្រាណ ចំនួន​អ័រម៉ូន Cortisol នឹង​កើនឡើង​ក្នុង​រាងកាយ ដូច្នេះ​វា​នឹង​ធ្វើឱ្យ​អ្នក​ងាយ នឹង​មាន​ជំងឺ​ណាស់​។ នោះ​ហើយ​គឺជា​ហេតុផល​ដែល​ថា​រយៈពេល​មួយ​ម៉ោង​ក្រោយ​ហាត់ប្រាណ​រួច ត្រូវបាន​គេ​ឱ្យឈ្មោះ​ថា Window Period ដែល​ជា​ពេលវេលា​មួយ​ងាយ​នឹង​មាន​ការបង្ក​រោគ ក្នុង​ខ្លួន​ណាស់​។ ចូរ​ប្រើប្រាស់​ឱកាស​មួយ​នេះ​ដើម្បី​ញ៉ាំ​អាហារ​ឱ្យ​បាន​លឿន​បំផុត តាម​តែ​អាច ធ្វើ​បាន​ទៅ​។
 

​ញ៉ាំ​ទឹក​
​រាងកាយ​នឹង​បាត់បង់​ជាតិ​ទឹក​ដោយសារ​ការ​បែកញើស​។ នេះ​ហើយ​ទើប​ជា​រឿង​សំខាន់​ដែល ត្រូវ​បង្គ្រប់​ជាតិ​ទឹក​វិញ​តាមរយៈ​ការ​ញ៉ាំ​ភេសជ្ជៈ​ដែល​សម្បូរ​អេឡិចត្រូ​លីត្រ​។​
​របប​អាហារ​ដ៏​ល្អ​បំផុត​មុន​ពេល និង​ក្រោយពេល​ហាត់ប្រាណ​រួច​

ញ៉ាំ​ប្រូតេអ៊ីន
​ប៉ុន្តែ​មិន​ត្រូវ​ពឹងផ្អែក​ទៅលើ​ប្រូតេអ៊ីន​ទាំងស្រុង​ដើម្បី​ផ្តល់​ជា​ថាមពល​ដល់​អ្នក​ឡើយ ព្រោះ​វា​ពិបាក ក្នុង​ការរំលាយ​អាហារ ហើយ​ដាក់​សម្ពាធ​លើ​តម្រងនោម​ទៀត​។ ដើម្បី​ជំនួយ​ដល់​ការរំលាយ​អាហារ ចូរ​ប្រាកដថា អ្នក​បាន​ញ៉ាំ​បន្លែ​ពណ៌​បៃតង​ច្រើន​ព្រោះ​វា​សម្បូរ​ជាតិ​សរសៃ​។
​របប​អាហារ​ដ៏​ល្អ​បំផុត​មុន​ពេល និង​ក្រោយពេល​ហាត់ប្រាណ​រួច​

​បង្កើត​ជា​អាហារ​បំប៉ន​
​រាងកាយ​ត្រូវការ​ប្រូតេអ៊ីន​ខ្ពស់​ដើម្បី​បង្កើត​ជា​សាច់ដុំ​។ ទោះបីជា​យ៉ាងណា​ក៏ដោយ ការពឹងផ្អែក​ទៅលើ អាហារ​បំផុត​មិនមែន​ជា​ចម្លើយ​សម្រាប់​រឿង​នេះ​ឡើយ​។ ជម្រើស​ដ៏​ល្អ​បំផុត​ក្រោយ​ពី​ហាត់ប្រាណ​រួច​នោះ​គឺ​ការ​ញ៉ាំ​ទឹកដោះគោ (​ព្រោះ​វា​សម្បូរ​ប្រូតេអ៊ីន​)​ឬ ទឹកចេក​កិន​ជាមួយ​ផ្លែ​ប៉ោ​ម​។ វា​គឺជា​រឿង​មួយ​ល្អ​ណាស​ក្នុងការ​ញ៉ាំ​ចូលគ្នា​នៃ​អាហារ​សម្បូរ​ប្រូតេអ៊ីន និង​កាបូ​អ៊ី​ដ្រាត​៕

ប្រែសម្រួលដោយ៖ វេជ្ជ. ម៉េង សុខសៀន

- ហាមដាច់ខាតការយក​អត្ថបទ ពីវេបសាយ www.health.com.kh ដោយគ្មានការអនុញាតិ បើលោក លោកស្រីត្រូវការអត្ថបទសូមទំនាក់ទំនង 012 267 277

ត្រួតពិនិត្យដោយ www.health.com.kh ថ្ងៃទី13  តុលា ឆ្នាំ 2015

រាល់​ការ​បញ្ចេញ​មតិយោបល់​មិន​ឆ្លុះ​បញ្ចាំង​ពី​ទស្សនៈ​ និង​ការ​ទទួលខុសត្រូវ​របស់​វេ​ប​សាយ​www.health.com.kh​ឡើយ​។