លោក​សម រង្ស៊ី​ ចេញ​ទៅ​​បារាំង​ខណៈ​​ព័ត៌មាន​​ពី​​ជំនួប​​ជាមួយ​​សម្តេច​ក្រុមព្រះ​នៅ​​ជា​​អាថ៌កំបាំង​

លោក​សម រង្សី ប្រធាន​គណបក្ស​សង្គ្រោះ​ជាតិ បាន​ចាក​ចេញពី​ប្រទេស​កម្ពុជា​ទៅកាន់​ប្រទេស​បារាំង​ដោយ​ស្ងៀមស្ងាត់​កាលពី​យប់​ថ្ងៃ​ចន្ទ​ម្សិលមិញ។ ការចាកចេញ​របស់​ប្រមុខ​បក្សប្រឆាំង​កម្ពុជា​នៅពេលនេះ គឺ​បាន​ធ្វើឡើង បន្ទាប់ពី​មាន​លេចឮ​ព័ត៌មាន​ថា លោក​និង​សម្តេចក្រុមព្រះ ប្រធាន​គណបក្ស​ហ្វ៊ុនស៊ីនប៉ិច គ្រោង​ជួបគ្នា​នៅ​ទីនោះ​នៅក្នុង​ខែតុលា​នេះ ដើម្បី​ជជែក​គ្នា​ពី​ការបង្រួបបង្រួម​គណបក្ស​ទាំងពីរ។ ប៉ុន្តែ​ព័ត៌មាន​នេះ​ស្ថិតក្នុង​អាថ៌កំបាំង​នៅឡើយ។