អឺរ៉ុបព្រម​ត្រូវ​រ៉ូវ​ជាមួយ​​​​តួកគី​ជា​ថ្នូរ​នឹង​ការ​ជួយ​ទប់​ស្កាត់​លំហូរ​អន្តោប្រវេសន៍

អន្តោប្រវេសន៍​អាហ្វហ្កានីស្ថាន​ម្នាក់ ត្រូវ​បាន​ឆ្មាំ​ព្រំដែន​ប៊ុលហ្ការី​​បាញ់​សម្លាប់ នៅ​ពេល​កំពុង​ព្យាយាម​ឆ្លង​ព្រំដែន​ពី​តួកគី​ចូល​អឺរ៉ុប​ដោយ​ខុស​ច្បាប់។ ហេតុការណ៍​នេះ បាន​កើត​ឡើង​ តែ​ប៉ុន្មាន​ម៉ោង​ មុនការ​ប្រកាស​​កិច្ចព្រមព្រៀង​រវាង​​សហភាព​​អឺរ៉ុប​និង​តួកគីតែ​ប៉ុណ្ណោះ។ ដើម្បី​ តួកគី​សុខចិត្ត​​ធ្វើ​ជា​រនាំង ទប់​ស្កាត់លំហូរ​អន្តោប្រវេសន៍​មក​ពី​ស៊ីរី និង​ អ៊ីរ៉ាក់​ ឱ្យ​សហភាព​អឺរ៉ុប ប៉ុន្តែ​ត្រូវ​មាន​លក្ខខណ្ឌ ! អឺរ៉ុប​នឹង​ផ្តល់​​​​​ជា​ជំនួយ​ហិរញ្ញវត្ថុផង និង​ការ​សម្រួល​ទិដ្ឋាការ​ចូល​អឺរ៉ុប​​ផង ព្រមទាំង​សំណើ​សុំ​បើក​កិច្ចចរចា​ចូល​សមាជិក​សហភាព​អឺរ៉ុប​ទៀត។​ មជ្ឈមណ្ឌល​ញែក​អត្តសញ្ញាណ​ជន​អន្តោប្រវេសន៍សេដ្ឋកិច្ច​ ពី​ជនភៀស​ខ្លួន​នយោបាយ​ឬ​សង្គ្រាម​​ ទី​មួយ​ បាន​បើក​សម្ពោធ​ជា​ផ្លូវការ​ នៅ​ថ្ងៃ​នេះ​ នៅ​កោះក្រិក Lesbos។