ក្រៅ​ពី​នាំចូល​អង្ករ​១០​ម៉ឺន​ក្នុង​មួយ​ឆ្នាំ​ចាប់ពី​ឆ្នាំ​២០១៦​ទៅ ​ចិន​ក៏​ជួយ​នាំ​ចូល​កៅស៊ូ​ពី​កម្ពុជា​ដែរ

ចិន​បាន​សន្យា​ថា​នឹង​ជួយ​ជំរុញ​ការ​នាំចូល​កៅស៊ូ​ពី​ប្រទេស​កម្ពុជា​។ ការ​សន្យា​នេះ​ត្រូវ​បាន​ធ្វើឡើង​តាម​រយៈការ​ចុះ​អនុសារណៈ​យោគ​យល់​គ្នា រវាង​ក្រសួង​កសិកម្ម​ រុក្ខា​ប្រមាញ់​និង​នេសាទ​កម្ពុជា ​និង​ក្រសួង​កសិកម្ម​​ចិន​។ លោក​កៅ គឹម​ហួន ​រដ្ឋ​មន្ត្រី​ប្រតិ​ភូអម​នាយក​រដ្ឋ​មន្ត្រី​ បាន​បញ្ជាក់​យ៉ាង​ដូច្នេះ ​នៅ​ក្នុង​សន្និសីទ​កាសែត​មួយ ​នៅ​វេលា​ម៉ោង​១២ ​ថ្ងៃ​ត្រង់​ថ្ងៃ​ទី​ ១៧ ​តុលា​នេះ ​នៅ​ឯ​អាកាស​យាន​ដ្ឋាន​អន្តរ​ជាតិ​ភ្នំពេញ ​បន្ទាប់​ពី​ធ្វើ​ដំណើរ​ពី​ប្រទេស​ចិន​មក​ដល់​កម្ពុជា​វិញ​។ ​