ខាន​បង់​វិភាគទាន​៤ឆ្នាំ ​តែ​អាមេរិក​ចង់​ធ្វើ​ជា​សមាជិក​ក្រុម​ប្រឹក្សា​ប្រតិបត្តិ​UNESCO ​បន្ត​ទៀត

លោក​ ចន ឃែរី ​រដ្ឋមន្ត្រី​ការបរទេស​អាមេរិក ​កំពុង​មាន​វត្តមាន​ នៅ​រដ្ឋធានី​ប៉ារីស ​ប្រទេស​បារាំង​ ដែល​មាន​ទី​ស្នាក់ការ​កណ្តាល ​របស់​អង្គការ ​UNESCO ​ដើម្បី​ស្វែងរក​ការ​គាំទ្រ ​ឲ្យ​សហរដ្ឋ​អាមេរិក​​ បាន​ជាប់​ឆ្នោត​ ជា​សមាជិក​ក្រុម​ប្រឹក្សា​ប្រតិប​ត្តិ​ របស់​អង្គការ​នេះ ​ បន្ត​ទៀត។ ដោយ​ឡែក​ អស់​រយៈ​ពេល ​៤ឆ្នាំ​មក​ហើយ ​ដែល​សហរដ្ឋ​អាមេរិក​ បាន​បិទ​បញ្ឈប់ ​លែង​ផ្តល់​ប្រាក់​វិភាគទាន​ ដល់​អង្គការ​យូនេស្កូ ​ដែល​ធ្វើ​ឲ្យ ​ប្រទេស​មហា​អំណាច​នេះ​​បាត់បង់​សិទ្ធិ​បោះឆ្នោត ​ក្នុង​ក្រប​ខ័ណ្ឌ​ មហា​សន្និសីទ​ប្រចាំ​ឆ្នាំ​របស់ ​អង្គការ​នេះ។