បារំាង៖រដ្ឋអំណាច​រឹបអូស​បាន​កញ្ឆា​ជាង ៧តោន​ក្នុង​ទីក្រុង​ប៉ារីស

នៅ​ក្នុង​ប្រទេស​បារំាង មាន​កញ្ឆា​ជាង ៧តោន​ត្រូវ​បាន​រដ្ឋអំណាច​រឹបអូស​ក្នុង​ទីក្រុង​ប៉ារីស​សង្កាត់​ទី១៦ ដែល​ជា​សង្កាត់​សម្បូរ​ដោយ​អ្នកមាន​រស់នៅ។ ប្រតិបត្តិការ​រឹបអូស​កញ្ឆា​ដ៏​ច្រើន​សម្បើម​នេះ​ត្រូវ​បាន​ធ្វើ​ឡើង​ដោយ​កម្លំាង​គយ រួម​សហការ​ជាមួយ​កម្លំាង​ប៉ូលិស​កាល​ពី​យប់​ថ្ងៃ​សៅរ៍ ទី១៧ ឆ្លង​ចូល​ថ្ងៃ​អាទិត្យ ទី១៨ តុលា។ ការ​រឹបអូស​កញ្ឆា​ទំាង​ជាង ៧តោន​ដែល​គិត​ជា​ទឹកប្រាក់​មាន​តម្លៃ​ប្រមាណ ១៥លាន​អឺរ៉ូ តែ​ពុំ​មាន​ការ​ចាប់​ខ្លួន​មនុស្ស​ណា​ម្នាក់​ទេ។