GMAC ​អំពាវនាវ​លើក​កំពស់​ផលិតភាព​ការងារ​ ខណៈ​សហជីព​ទាមទារ​ឲ្យ​និយោជក​បង្ក​លក្ខណៈ​ងាយ​ស្រួល​ដល់​កម្មករ​

បន្ទាប់​ពី​ប្រាក់ឈ្មួល​គោល​របស់​កម្មករ​ក្នុង​វិស័យ​កាត់ដេរ​ និង​ដេរ​ស្បែកជើង​ត្រូវ​បាន​កំណត់​ត្រឹម​១៤០ដុល្លា ​សម្រាប់​ឆ្នាំ​២០១៦​ហើយ​មក ​នៅ​ថ្ងៃ​ទី​ ២០ តុលា​នេះ ​សមាគម​រោងចក្រ​កាត់ដេរ​នៅ​កម្ពុជា​ហៅ​កាត់​ថា ​GMAC​ បាន​ចេញសេ​ច​ក្តី​អំពាវនាវ​ឲ្យ​មានការ​ផ្តោត​ជាថ្មី​លើការ​លើក​កំពស់​ផលិត​ភាព​ការងារ​ និង​គាំទ្រ​ចំពោះការ​អំពាវនាវ​ឲ្យ​អ្នក​បញ្ជា​ទិញ​ប្រើប្រាស់​វិធីសាស្រ្ត​បញ្ជា​ទិញ​ដែល​មាន​និរន្តរ​ភាព​ជាង​មុន​។ ប៉ុន្តែ​ការ​អំពាវនាវ​នេះ ​ត្រូវ​បាន​តំណាង​សហជីព​កម្មករ លើក​ឡើង​ថា ដើម្បី​បង្កើន​ផលិត​ភាព​ការងារ​ ខាង​និយោជក​ក៏គួរតែ​បង្ក​លក្ខណៈ​ងាយស្រួល​ដល់​កម្មករ​ដើម្បី​បំពេញ​ការងារ​ដែរ​។