កុំព្យូទ័រ​ MSI ​ស៊េរី​ថ្មី​​ទម្ងន់​ស្រាល​ជាង​មុន តែ​​​​សមត្ថភាព​ខ្លាំង​មិន​ធម្មតា​

កុំព្យូទ័រ​ MSI ​ស៊េរី​ថ្មី​​ទម្ងន់​ស្រាល​ជាង​មុន តែ​​​​សមត្ថភាព​ខ្លាំង​មិន​ធម្មតា​

កុំព្យូទ័រ​មួយ​ចំនួន​ដែល​មាន​សមត្ថភាព​ខ្លាំង​គឺ​តែង​តែ​មាន​ទម្ងន់​ធ្ងន់​ពិបាក​យក​តាម​ខ្លួន​ ប៉ុន្តែ​ចំពោះ​កុំព្យូទ័រ​ MSI ស៊េរី​ថ្មី​វិញ​មាន​ទម្ងន់​ស្រាល​​​ព្រម​ទាំង​មាន​សមត្ថភាព​ខ្លាំង​អស្ចារ្យ​ទៀត​ផង។

 

កុំព្យូទ័រ​ MSI ​ស៊េរី​ថ្មី​​ទម្ងន់​ស្រាល​ជាង​មុន តែ​​​​សមត្ថភាព​ខ្លាំង​មិន​ធម្មតា​

 

 

បើ​តាម​ការ​ប្រកាស​របស់​ក្រុមហ៊ុន​បាន​ឲ្យ​ដឹង​ថា ​​កុំព្យូទ័រ​ MSI GS40 Phantom ថ្មី​នេះ​មាន​ទម្ងន់​ស្រាលជាង​គេ​សម្រាប់​ប្រភេទ​កុំព្យូទ័រ​នេះ គឺ​​ត្រឹម​តែ​ ១,៦​គ.ក​ និង​មាន​កម្រាស់​​ត្រឹមតែ២២ម.ម​ប៉ុណ្ណោះ។ គេ​បាន​បំពាក់​នូវ​ CPU ជំនាន់​​ចុង​ក្រោយ​បំផុត​របស់​​ក្រុមហ៊ុន​ Intel គឺ​ Skylake Core i7-6700HQ មាន​ល្បឿន​ដល់​ទៅ​ 3.5GHz។ មិន​តែ​ប៉ុណ្ណោះ​ក៏​​មាន​បំពាក់​ RAM ប្រភេទ​ DDR4 ទំហំ​ធំ​ដល់​ទៅ​១៦GB និង​មាន​អង្គ​ចងចាំ​សម្រាប់​ផ្ទុក​ទិន្នន័យ​ប្រភេទ​ SSD ទំហំ​១២៨GB រួម​ទាំង​ប្រភេទ​ HHD ទំហំ​ 1TB ផង​ដែរ។

 

កុំព្យូទ័រ​ MSI ​ស៊េរី​ថ្មី​​ទម្ងន់​ស្រាល​ជាង​មុន តែ​​​​សមត្ថភាព​ខ្លាំង​មិន​ធម្មតា​

 

 

ចំពោះ​អេក្រង់​របស់​វា​មាន​ទំហំ​១៤​អ៊ីញ​ កម្រិត​ Full HD ដោយ​ប្រើ​ប្រាស់​ក្រាហ្វិក​ប្រភេទ​ NVIDIA GTX 970M ​ទំហំ ​៣GB។ ក្រៅ​ពី​សមត្ថភាព​ដ៏​អស្ចារ្យ​ទាំង​នេះ​ គេ​ក៏​បាន​បំពាក់​នូវ​ប្រព័ន្ធ​​សំឡេង​ពិសេសៗ​មួយ​ចំនួន​ ដែល​អាច​បញ្ចេញ​សំឡេង​បាន​ច្បាស់​ល្អ។

 

ត្បិត​តែ​កុំព្យូទ័រ​នេះ​មាន​ទម្ងន់​ស្រាល​ក៏​ពិត​មែន​ ប៉ុន្តែ​តម្លៃ​របស់​វា​មិន​ជា​ស្រាល​ប៉ុន្មាន​នោះ​ទេ​ គឺ​ក្រុមហ៊ុន​បាន​​ដាក់​លក់​លើ​ទីផ្សារ​បរទេស​ក្នុង​តម្លៃ​​១៥៩៩,៩០​ដុល្លារ៕ ​​​

​​​​​​

ចុច​អាន៖ Asus បង្អួត​កុំព្យូទ័រ​ថ្មី​​ មាន​សមត្ថភាព​អស្ចារ្យ​ ដែល​គេ​មិន​ធ្លាប់​ប្រទះ​ពី​មុន​មក

 

 

ប្រែ​សម្រួល៖ ហៃ​ សុខ​ហេង
ប្រភព៖ TomsHardWare​​​​​​​​​​​​​