លោក ហ៊ុន អៀង បញ្ចេញស្នាដៃ ចុះបង្រ្កាបបទល្មើស ដឹកជញ្ជូនឈើ តាមរយះកាណូត ដោយខុសច្បាប់

កំពង់ធំៈ លោក ហ៊ុន អៀង នាយអធិការដ្ឋាន រដ្ឋបាលព្រៃឈើ ខាងជើងបឹងទន្លេសាប ដឹកនាំកម្លាំងផ្នែក សង្កាត់ រដ្ឋបាលព្រៃឈើ ចុះបង្រ្កាបកាណូត ដឹកជញ្ជូនឈើដោយខុសច្បាប់ ដែលបានលបលួចដឹកជញ្ជូនឈើតាមបណ្តោយស្ទឹងសែន ខេត្តកំពង់ធំ ចេញពី ខេត្តព្រះវិហារ ឆ្ពោះមកខេត្តកំពង់ធំ តែត្រូវបានជាប់អន្ទាក់សមត្ថកិច្ចរដ្ឋបាលព្រៃឈើកំពង់ធំ កាលពីវេលាម៉ោង ១១ .២០នាទី ថ្ងៃទី ២១ ខែតុលា ឆ្នាំ ២០១៥។

មន្រ្តីរដ្ឋបាលព្រៃម្នាក់បានបង្ហើបឲ្យដឹងថា មុនពេលឃាត់កាណូតមួយគ្រឿងនេះបាន គឺសមត្ថកិច្ចមានទទួលព័ត៌មាន ពីបណ្តាញថា មានកាណូតចំនួន២គ្រឿង បានដឹកឈើប្រភេទលេខ២ និងបានដឹកតាមដឹងស្ទឹងសែន ឆ្ពោះមកខេត្តកំពង់ធំ ទើបមានបញ្ជា ឲ្យចាំស្ទាក់ចាប់នៅចំនុច ទំនប់ក្រសាំង ឃុំកំពង់ស្វាយ ស្រុកកំពង់ស្វាយ ខេត្តកំពង់ធំ ក្រោយពីបាន ឃើញកាណូតមុខ សញ្ញាមកដល់ ទើបសុំការអនុញ្ញាតិត្រួតពិនិត្យ ហើយបានលើកឈើនេះឡើងគោគ ក្រោយមក ទើបលើកឈើដាក់កាណូតវិញ ដើម្បីរកតៃកុងកាណូតបើកទៅរកទីតាំងដើម្បីលើកឈើដាក់លើឡាន ហើយដឹករក្សាទុកនៅផ្នែករដ្ឋបាលព្រៃឈើស្ទោង ធ្វើការវាស់វែង តែបើតាមការប៉ានស្មានឈើនេះមិនតិចពី៤០ម៉ែត្រគូប តែការសុំច្បាប់ អនុញ្ញាតិត្រឹមតែ ១៥ម៉ែត្រគូប ។

ប្រភពព័ត៌មាន បានឲ្យដឹងថាឈ្មួញដុះស្លែរឈ្មោះឈ្មោះ រឿន ធី បានការដឹកជញ្ជូននេះ គឺបានធ្វើសកម្មភាពយូរហើយ នៅពេលយប់ ក្នុងនោះគេបានរត់ការនិងបង់ជូន មេព្រៃសង្កាត់សណ្តាន់ និងមេព្រៃសង្កាត់សំបូរ រួមទាំងសមត្ថកិច្ចពាក់ ព័ន្ឋមួយចំនួនទើប អាចដឹកជញ្ជូនមកបាន ព្រោះស្ទឹងសែនមានតែមួយ ពុំអាចនឹងបើកកាណូតវាងដូចរថយន្តបាននោះទេ ទើបឈ្មួញឈើមិនហ៊ានរំលង ត្រូវតែសែនដល់ម្ចាស់ទឹកដី ទើបបានជាអ្នកតាមិនកាច់ តែករណីចាប់បាននេះ ក៏ដោយសារតែ សែនអ្នកតាម្ចាស់ទឹកដីមិនគ្រប់ ទើបជាប់អន្ទាក់តែម្តង ដោយសារតែឈ្មួញឈើឈ្មោះ រឿន ធី បានប្រើ ប្រាស់ស្ទីលសុំច្បាប់ក្រោមរូបភាព ថតផ្ទះរលំ ផ្ទះក្រីក្រ ភូតកុហកអភិបាលខេត្ត ដើម្បីសុំដឹកឈើធ្វើផ្ទះ តែម្ចាស់ផ្ទះដែល ត្រូវបានគេថតមិនដែលស្គាល់សូម្បីតែក្តាមួយសន្លឹក ក្នុងនោះច្បាប់មួយដឹកមិនតិចពី៥ដង ទេ៕

លោក ហ៊ុន អៀង បញ្ចេញស្នាដៃ ចុះបង្រ្កាបបទល្មើស ដឹកជញ្ជូនឈើ តាមរយះកាណូត ដោយខុសច្បាប់

លោក ហ៊ុន អៀង បញ្ចេញស្នាដៃ ចុះបង្រ្កាបបទល្មើស ដឹកជញ្ជូនឈើ តាមរយះកាណូត ដោយខុសច្បាប់

លោក ហ៊ុន អៀង បញ្ចេញស្នាដៃ ចុះបង្រ្កាបបទល្មើស ដឹកជញ្ជូនឈើ តាមរយះកាណូត ដោយខុសច្បាប់

លោក ហ៊ុន អៀង បញ្ចេញស្នាដៃ ចុះបង្រ្កាបបទល្មើស ដឹកជញ្ជូនឈើ តាមរយះកាណូត ដោយខុសច្បាប់