ស្រ្តីឈ្មោះ ឯម រ៉ានី ដែល​ផិត​ប្តី​លួច​មាន​សា​ហាយ​ជា​មួយ​មេធាវី ជា ហៃ ត្រូវ​កម្លាំង​សមត្ថកិច្ច​ខេត្ត​ព្រះសីហនុ ចាប់​ឃាត់​ខ្លួន

ព្រះសីហនុ៖ ឧត្តមសេនីយ៍ទោ ជួន ណារិន្ទ ស្នងការនគរបាល ខេត្តព្រះសីហនុ បានថ្លែងប្រាប់អង្គភាព Fresh News នៅល្ងាចថ្ងៃទី២៤ ខែតុលា ឆ្នាំ២០១៥នេះ បានឲ្យដឹងថា ស្រ្តីម្នាក់ឈ្មោះ ឯម រ៉ានី ដែលវាយ និងជេរប្រមាថម្តាយ ខណៈតាមទាន់ពេលលួចមានសាហាយជាមួយមេធាវីម្នាក់ ត្រូវកម្លាំងសមត្ថកិច្ច ខេត្តព្រះសីហនុ ចាប់ឃាត់ខ្លួនបញ្ជូនទៅតុលាការ ដោយមានការសម្របសម្រួលពីលោកស្រីព្រះរាជអាជ្ញា សាលាដំបូងខេត្តព្រះសីហនុ ចាតសូ រស្មី។

ឧត្តមសេនីយ៍ស្នងការ បានថ្លែងបញ្ជាក់ថា ការចាប់ឃាត់ខ្លួនស្រ្តីខាងលើនេះ ដោយសារមានបទល្មើសជាក់ស្តែង, ហើយនៅពេលនេះក្រោយ ពីសាកសួរនៅតុលាការខេត្តព្រះសីហនុរួចហើយ, ដោយសារការសាកសួរមិនទាន់ចប់ តុលាការបានសម្រេចបញ្ជូនស្រ្តីឈ្មោះ ឯម រ៉ានី មកកាន់ស្នងការដ្ឋាននគរបាល ខេត្តព្រះសីហនុវិញ ដោយរង់ចាំសាកសួរបន្តទៀតនៅថ្ងៃស្អែកទី២៥ ខែតុលា។

សូមជំរាបថា លោកមេធាវី ជា ហៃ ដែលគេស្គាល់ថា ក៏ជាកូនប្រសាររបស់អនុប្រធានតុលាការកំពូលមួយរូបផងដែរនោះ បានរងនូវបណ្តឹងចោទប្រកាន់ពីបុរសម្នាក់ថា បានលួចសហាយស្មន់ជាមួយប្រពន្ធរបស់ខ្លួន ហើយខណៈដែលខ្លួនចូលទៅទាន់ លោកមេធាវីរូបនេះបានប្រើអំពើហិង្សា វាយដំមកលើខ្លួនជាប្តីថែមទៀតផង ។

ហេតុការណ៍នេះបានកើតឡើងកាលពីរសៀលថ្ងៃទី២០ ខែតុលា ឆ្នាំ២០១៥ កន្លងទៅនេះស្ថិតនៅចំណុចផ្ទះ បើកហាងបញ្ចាំមួយកន្លែង នៅក្រុមទី២ ភូមិ៤ សង្កាត់លេខ៤ ក្រុងព្រះសីហនុ ខេត្តព្រះសីហនុ។

ក្រៅពីនោះ បន្ទាប់ពីផ្ទុះរឿងអាស្រូវពាក់ព័ន្ទរវាងលោកមេធាវី ជា ហៃ អត្តលេខ៦២០ ជាមួយស្រ្តីឈ្មោះ ឯម រ៉ានី កាលពីរសៀលថ្ងៃទី២០ ខែតុលា ឆ្នាំ២០១៥ នៅចំណុចហាងកុងស៊ីបញ្ចាំ អានី ស្ថិតនៅភូមិ៤ សង្កាត់លេខ៤ ក្រុងខេត្តព្រះសីហនុថា សាហាយស្មន់ជាមួយគ្នាឡើងផ្អើល មួយចំហៀងខេត្តព្រះសីហនុនោះ ។ លោកមេធាវី ជា ហៃ បានធ្វើការប្រកែកភ្លាមៗជាមួយបណ្តាសារព័ត៌មានថា លោកមិនមានសាហាយស្មន់ជាមួយស្រ្តីឈ្មោះ ឯម រ៉ានី នោះទេ ហើយក៏មិនបានចូលហ៊ុនរកស៊ី ជាមួយលោកស្រី ឯម រ៉ានី នោះដែរ លោកគ្រាន់តែជាមេធាវីការពារក្តីឲ្យស្រ្តីនេះតែប៉ុណ្ណោះ។

អង្គភាពព័ត៌មាន Fresh News បានទទួលឯកសារផ្លូវការមួយច្បាប់ លេខ ០០០៧ ពណ.ចបព ចុះថ្ងៃទី០៥ ខែមករា ឆ្នាំ២០១៥ ចុះហត្ថលេខដោយលោក អ៊ុក ប្រជា រដ្ឋលេខាធិការក្រសួងពាណិជ្ជកម្ម បានបញ្ជាក់ទទួលស្គាល់ថា លោកស្រី ឯម រ៉ានី ជាប្រធានក្រុមប្រឹក្សាភិបាល និងលោក ជា ហៃ ជាអភិបាល នៃក្រុមហ៊ុន អេ អិន ស៊ីអេច ត្រេឌីង A N & C H TRADING Co.,Ltd ដែលមានស្នាក់កា ក្រុមហ៊ុនស្ថិតនៅ ទីតាំងលេខ០៥ ផ្លូវលេខ ២១៤ ភូមិ៤ ក្រុម២ សង្កាត់លេខ៤ ក្រុងខេត្តព្រះសីហនុពិតប្រាកដមែន៕

ស្រ្តីឈ្មោះ ឯម រ៉ានី ដែល​ផិត​ប្តី​លួច​មាន​សា​ហាយ​ជា​មួយ​មេធាវី ជា ហៃ ត្រូវ​កម្លាំង​សមត្ថកិច្ច​ខេត្ត​ព្រះសីហនុ ចាប់​ឃាត់​ខ្លួន

ស្រ្តីឈ្មោះ ឯម រ៉ានី ដែល​ផិត​ប្តី​លួច​មាន​សា​ហាយ​ជា​មួយ​មេធាវី ជា ហៃ ត្រូវ​កម្លាំង​សមត្ថកិច្ច​ខេត្ត​ព្រះសីហនុ ចាប់​ឃាត់​ខ្លួន

ស្រ្តីឈ្មោះ ឯម រ៉ានី ដែល​ផិត​ប្តី​លួច​មាន​សា​ហាយ​ជា​មួយ​មេធាវី ជា ហៃ ត្រូវ​កម្លាំង​សមត្ថកិច្ច​ខេត្ត​ព្រះសីហនុ ចាប់​ឃាត់​ខ្លួន

ស្រ្តីឈ្មោះ ឯម រ៉ានី ដែល​ផិត​ប្តី​លួច​មាន​សា​ហាយ​ជា​មួយ​មេធាវី ជា ហៃ ត្រូវ​កម្លាំង​សមត្ថកិច្ច​ខេត្ត​ព្រះសីហនុ ចាប់​ឃាត់​ខ្លួន