ជា ប៉ូច៖ បាតុករ​ប្រឆាំង កឹម សុខា ភាគ​ច្រើន​ជា​«អាជ្ញាធរ​ដែនដី»!


«ខ្ញុំស្គាល់សមាសភាពខ្លះ គឺភាគច្រើនជាអាជ្ញាធរភូមិ ឃុំ ស្រុក សង្កាត់ ខណ្ឌ ឬអាជ្ញាធររាជធានី។ (...) អ្វី​ដែល​មក​នេះ ភាគច្រើនជាអាជ្ញាធរដែនដីទេបាទ មិនមានប្រជាពលរដ្ឋប៉ុន្មានទេ។» នេះជាការថ្លែង របស់លោក លោក ជា ប៉ូច តំណាងរាស្រ្តមណ្ឌលខេត្តកំពត មកពីគណបក្សសង្គ្រោះជាតិ។
ជា ប៉ូច៖ បាតុករ​ប្រឆាំង កឹម សុខា ភាគ​ច្រើន​ជា​«អាជ្ញាធរ​ដែនដី»!

លោក ជា ប៉ូច តំណាងរាស្រ្តមណ្ឌលខេត្តកំពត មកពីគណបក្សសង្គ្រោះជាតិ។ (រូបថត monoROOM.info/ S. Tith)

ក្រោយពេលទទួលញត្តិ ពីបាតុកដែលទាមទារឲ្យទម្លាក់លោក កឹម សុខា ពីតំណែង ជាអនុប្រធានទីមួយ​នៃ​រដ្ឋសភា លោក ជា ប៉ូច តំណាងរាស្រ្តមណ្ឌលខេត្តកំពត មកពីគណបក្សសង្គ្រោះជាតិ បានលើកឡើង​ដោយ​ភាពជឿជាក់ថា បាតុករដែលចូលរួមធ្វើបាតុកម្មទាំងនោះ ភាគច្រើនជាសមាជិក របស់អាជ្ញាធរដែនដី ឯ​ប្រជា​ពលរដ្ឋមានតិចតួចប៉ុណ្ណោះ។

សមាជិកគណៈកម្មការទីមួយ នៃរដ្ឋសភារូបនេះ បានបន្តថា ទោះយ៉ាងណាក៏ដោយ ក្នុងនាមជាពលរដ្ឋ លោក​គាំទ្រនិងគោរពនូវការតវ៉ានេះ។ លោកថា ប្រជាពលរដ្ឋមានសិទ្ធិសម្តែងមតិ នៅក្នុងលិទ្ធិ​ប្រជាធិបតេយ្យ។

នៅចំពោះការចោទសួរ របស់អ្នកសារព័ត៌មាន ដែលសួរថា តើលោកគិតយ៉ាងណានៅ​ពេល​ដែល​«អាជ្ញាធរ»​ឡើងមកតវ៉ាបែបនេះ? លោក ជា ប៉ូច បានថ្លែងដោយការគាំទ្រថា នេះជាសិទ្ធិសេរីភាព ក្នុងការបញ្ចេញមតិ។ បើគាត់គ្មានញតិ្ត គាត់អាចសម្តែងជាមតិ និងជាសេរីភាព ដោយសារនេះ ជាសង្គមប្រជាធិបតេយ្យ។ តែសិទ្ធិ​សេរីភាពនោះ ក៏ត្រូវមានព្រំដែននៃសេរីភាពដែរ។ លោកបានបង្ហាញ នូវភាពចម្លែកមួយថា៖ «ភាគច្រើន​មុខ​រដ្ឋសភា នៅពេលដែលមានបាតុករអី គេឃាំងរនាំងជាប់។ ចំណែកបាតុករនេះ (គេ)អត់ឃាំងរនាំង ខ្ញុំវាអត់​យល់។»

» បុរសម្នាក់ខាងក្រោមនេះ ជានរណា?

ជា ប៉ូច៖ បាតុករ​ប្រឆាំង កឹម សុខា ភាគ​ច្រើន​ជា​«អាជ្ញាធរ​ដែនដី»!

ជាមួយនឹងសំនួរ របស់ទស្សនាវដ្តីមនោរម្យ.អាំងហ្វូ លោកនៅតែធ្វើការសង្កត់ធ្ងន់ និងអះអាងយ៉ាងថា៖ «មិន​មែនប្រជាពលរដ្ឋទេ ភាគច្រើនជាអាជ្ញាធរដែនដី។ (...) ខ្ញុំស្គាល់... ខណ្ឌជ្រោយចង្វា ខណ្ឌឬស្សីកែវ ខណ្ឌ​ទាំង១២ ភាគច្រើនខ្ញុំស្គាល់ សមាសភាពអាជ្ញាធរ។ (...) បាតុកម្មនេះ អាជ្ញាធរច្រើនជាងប្រជាពលរដ្ឋ។ (...) អាជ្ញាធរដែនដី យើងដឹងស្រាប់ហើយ តើគណបក្សណាជាអ្នកកាន់អំណាច?»

ពាក់ព័ន្ធនឹងការងះអាងរបស់លោក ជា ប៉ូច ខាងលើនេះ ទស្សនាវដ្តីមនោរម្យ.អាំងហ្វូ នៅមិនទាន់មានការ​បញ្ជាក់ពីអាជ្ញាធរខណ្ឌ ពីសាលារាជធានីភ្នំពេញ បាននៅឡើយដែរ ដោយគ្មានអ្នកទទួលទូរស័ព្ទ។ ទស្សនាវដ្តី​នឹងស្វែងរកការបញ្ជាក់ លើការអះអាងខាងលើនេះ ពីអាជ្ញាធរពាក់ព័ន្ធ ក្នុងអត្ថបទ​លើក​ក្រោយ៕


» សូមស្តាប់ការអះអាងរបស់លោក ជា ប៉ូច ដូចខាងក្រោម៖