ប្រតិបត្តិការ​កង​អាកាស​រុស្ស៊ី ​នៅ​ស៊ីរី ​ប្រព្រឹត្តទៅ ​ក្រោម​ក្រសែ​ភ្នែក​អូតង់

ក្នុង​១​ថ្ងៃ​១​យប់​កន្លង​ទៅ ​កង​អាកាស​រុស្ស៊ី ​បាន​ទំលាក់​គ្រាប់បែក​ទៅ​លើ​ ទីតាំង​ ចំនួន​ដល់​ទៅ​១១៨​កន្លែង ​របស់​អង្គការ​ភេរវនិយម​រដ្ឋ​អ៊ីស្លាម ​គឺ​ច្រើន​មិន​ធ្លាប់​មាន​ដូច​ទេ ​បើ​គិត ​តាំង​ពី​ថ្ងៃ ​៣០​កញ្ញា​មក។ ប៉ុន្តែ ​ពួក​ប្រទេស​អូតង់ ​នាំ​គ្នា​ឆ្លៀត​ចោទ​ម៉ូស្គូ ​ថា ​ការ​វាយ​ប្រហារ​ របស់​រុស្ស៊ី​នៅ​ស៊ីរី ​បាន​ប៉ះពាល់ ​ដល់​សំណង់​ស៊ីវិល​នានា ​ដែល​បណ្តាល​ឲ្យ​ អ្នក​ស្រុក​ស្លូតត្រង់ ​ធ្លាក់​ខ្លួន​ស្លាប់ ​អស់​សឹប​នាក់​ទៅ​ហើយ។ ម៉ូស្គូ ​ពី​ចំណែក​ខ្លួន ​ទាមទារ​ពី​អូតង់ ​ឲ្យ​បង្ហាញ​មក​ តឹកតាង​ជា​សំអាង​ ការ​ចោទ​ប្រកាន់​នោះ។