តុលាការ​​ក្រុង​ឡាអេ​ព្រម​ចាត់​ការបណ្តឹង​របស់​ហ្វីលីពីនដែល​ប្តឹង​ចិន​នៅក្នុង​ជម្លោះ​​សមុទ្រ​ចិន​ខាងត្បូង

តុលាការ​អាជ្ញាធរកណ្តាល​អចិន្រ្តៃយ៍ ទីក្រុង​ឡាអេ កាលពីថ្ងៃ​ព្រហស្បតិ៍ ទី ២៩​តុលា បាន​ចេញ​សេចក្តី ថ្លែងការណ៍​មួយ ដែល​ថា ខ្លួន​មាន​សមត្ថភាព​ពិនិត្យ​មើល​បណ្តឹង​តវ៉ា​របស់​ប្រទេស​ហ្វីលីពីន ដែល​ប្រឆាំង​នឹង​ចិន នៅក្នុង​ជម្លោះ​សមុទ្រ​ចិន​ខាងត្បូង។ ការសម្រេច​របស់​ស្ថាប័ន​អន្តរជាតិ ដែល​នៅក្នុង​នោះ ចិន និង​ហ្វីលីពីន​ជា​ប្រទេស​ហត្ថលេខី ប្រៀបបាន​នឹង​ការខោក ត្បក បន្ថែម​ទៅលើ​ទីក្រុង​ប៉េកាំង ដែល​កំពុង​ខឹង​នឹង​អាមេរិក​ដែល​ទើប​បញ្ជូន​នាវា​ចម្បាំង ទៅ​ក្បែរ​កោះ​សប្បនិម្មិត របស់​ចិន នៅ​សមុទ្រ​ចិន​ខាងត្បូង។