រស់នៅជាមួយគ្នា ជិតមួយឆ្នាំ ប្រុសថ្លៃប្រុងដោះដៃ ប្តឹងសមត្ថកិច្ចទារ ៥០០០ដុល្លារ

ភ្នំពេញ៖ នារីវ័យក្មេងម្នាក់ ដែលអះអាងថា មានផ្ទៃពោះ២ខែ រស់នៅជាមួយប្រុស ស្នេហ៍រយ:ពេល៩ខែ ចោទថា ប្រុសស្នេហ៏ចង់ដោះដៃចោល ទៅរស់នៅជាមួយខ្ទើយ សម្រេចចិត្តទៅប្តឹងសមត្ថកិច្ច ដើម្បីទាមទារជម្ងឺចិត្ត ៥០០០ដុល្លារ ។

បង្កឲ្យមានការភ្ញាក់ផ្អើលនេះ កាលពីវេលាម៉ោង ២និង៣០នាទី រសៀលថ្ងៃទី៣០ ខែតុលា ឆ្នាំ២០១៥ នៅប៉ុស្តិ៍នគរបាល ទួលសង្កែ ខណ្ឌឬស្សីកែវ ។

មន្រ្តីនគរបាលប៉ុស្តិ៍ទួលសង្កែ ឱ្យដឹងថា ប្រុសស្នេហ៏ដែលរងការចោទថា ចង់ដោះដៃនោះ ឈ្មោះឃុត វាសនា អាយុ២៦ឆ្នាំ មានមុខរបរជាងថតរូប ស្នាក់នៅសង្កាត់គីឡូម៉ែត្រលេខ៩ ខណ្ឌឬស្សីកែវ មានស្រុកកំណើតនៅ ស្រុកពារាំង ខេត្តព្រៃវែង ។ ចំណែកនារីរងគ្រោះមានឈ្មោះ ព ស នថ អាយុ១៨ឆ្នាំ អតីតធ្វើការនៅហាង (ចិន) មានទីលំនៅផ្លូវជាតិលេខ៥ ក្រុមទី៨ ភូមិផ្សារតូច សង្កាត់ទួលសង្កែ ខណ្ឌឬស្សីកែវ។

តាមប្រភពព័តមាន ពីនាងជាសង្សារឲ្យដឹងថា នាងនិងសង្សារ បានស្គាល់គ្នាកាលពីពេលនាង ធ្វើការនៅហាង លក់បាយ របស់ចិនមួយកន្លែង ហើយបានស្គាល់គ្នា តាមរយៈមិត្តភក្កិ ក៏បានទាក់ទងគ្នា និងស្រឡាញ់ គ្នារហូត រួមរស់ជាមួយគ្នា រយៈពេល៩ខែមកហើយ រហូតនាងមានទាំង ផ្ទៃពោះ២ខែ ផងដែរ ។ ស្រាប់តែប្រុសស្នេហ៍នោះ ចុះចោលទៅបាត់ មិនទទួលខុសត្រូវ ។ ពេលដែលនាងទូរស័ព្ទទៅរក ក៏មាននាងភេទទី៣ ជាស្រីស្នេហ៍របស់ សង្សារខ្លួនជាអ្នកលើកទទួល ទើបបែកការដឹង ក៏បាននិយាយទាក់ទង សង្សារហៅទៅជួបដោះស្រាយ គ្នានៅឯផ្ទះ ។ តែខាងប្រុសចង់ទៅដោះស្រាយ នៅប៉ុស្ត៏នគរបាលខណ្ឌទួលសង្កែ ដើម្បីឲ្យដាច់ស្រេចគ្នា ។ ការចរចាគ្នា នោះម្តាយខាងស្រី ទាមទារជម្ងឺចិត្តចំនួន៥០០០ដុល្លារអាមេរិក ដោយមិនយល់ព្រមឲ្យ យកកូនស្រីរបស់គាត់វិញទេ ព្រោះជាមនុស្សប្រុសមិនមានទំនួលខុសត្រូវ ចំណែកខាងប្រុសទាមទារ រៀបចំសែនព្រេន បើមិនអញ្ចឹងសងសំណងត្រឹមតែ ១៥០០ដុល្លារ តែខាងស្រីដាច់ត្រឹម ២០០០ដុល្លារ ។

ដោយសារតែចរចាមិនត្រូវគ្នាខាង នគរបាលប៉ុស្តិ៍ទួលសង្កែ បានប្រាប់ឲ្យទៅដោះស្រាយនៅ សាលាសង្កាត់ ទួលសង្កែវិញ តែភាគីទាំងពីរបាននាំគ្នា ទៅដោះស្រាយនៅផ្ទះ របស់ខាងស្រីវិញ ។ ចំពោះសមត្ថកិច្ចបានបង្ហើបថា ភាគីទាំងសងា្ខង ព្រមព្រៀងរៀបចំសែនព្រេន យកគ្នាជាប្តីប្រពន្ធ ៕

រស់នៅជាមួយគ្នា ជិតមួយឆ្នាំ ប្រុសថ្លៃប្រុងដោះដៃ ប្តឹងសមត្ថកិច្ចទារ ៥០០០ដុល្លារ
រស់នៅជាមួយគ្នា ជិតមួយឆ្នាំ ប្រុសថ្លៃប្រុងដោះដៃ ប្តឹងសមត្ថកិច្ចទារ ៥០០០ដុល្លារ
រស់នៅជាមួយគ្នា ជិតមួយឆ្នាំ ប្រុសថ្លៃប្រុងដោះដៃ ប្តឹងសមត្ថកិច្ចទារ ៥០០០ដុល្លារ

ផ្តល់សិទ្ធដោយ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត