ជំនួប​រវាង​ប្រមុខ​បក្ស​ក្នុង​រដ្ឋសភា​ត្រូវ​បាន​អ្នក​នាំពាក្យ​គណបក្ស​ប្រជាជន​ថា​«មាន​សង្ឃឹម»​

នៅ​ថ្ងៃ​ចន្ទ​នេះ​ អ្នក​នាំពាក្យ​គណបក្ស​ប្រជាជន​កម្ពុជា​បាន​បង្ហាញ​ក្តី​សង្ឃឹម​ថា​ ជំនួប​រវាង​ថ្នាក់​ដឹក​នាំ​នៃ​គណបក្ស​កាន់​អំណាច ​និង​ថ្នាក់​ដឹកនាំ​នៃ​គណបក្ស​ប្រឆាំង ​«នឹង​អាច​មាន» ​ពេល​លោក​ សម រង្ស៊ី វិល​ត្រឡប់​ពី​បរទេស​វិញ។​ ដំណឹង​នេះ​ធ្លាក់​មក​ក្រោយ​ពី​ប្រធាន​គណបក្ស​សង្គ្រោះ​ជាតិ​បាន​ប្រកាស​ប្រាប់​កាល​ពី​ម្សិល​មិញ ​អំពី​ការ​ធ្វើ​មាតុភូមិ​និវត្តន៍​ឱ្យកាន់​តែ​ឆាប់ ​ព្រោះ​តែ​«សារៈ​សំខាន់ ​និង​ភាព​ចាំបាច់​នៃ​វប្បធម៌​សន្ទនា»។​