ពិភពលោក​កំពុង​ព្រមព្រៀង​បំពាក់​ប្រព័ន្ធ​​​កំណត់​ទីតាំង​យន្តហោះ​ដោយ​ផ្កាយរណប

យន្តហោះ​ម៉ាឡេស៊ី MH ៣៧០ ហោះ​ចេញ​ពី​ក្រុងកូឡាឡាំពួរ​ទៅ​កាន់​ក្រុង​ប៉េកាំង​ ដែល​បាន​បាត់ដាន​ឈឹង​កាលពីថ្ងៃទី ៨ ខែ​មីនា ឆ្នាំ២០១៤ ស្ថិត​ជា​អាថ៌​កំបាំងដ៏​ចម្លែក​មួយ​នៃ​ប្រវត្តិ​អាកាសចរណ៍​ស៊ីវិល​ពិភពលោក។ ដើម្បី​កុំ​ឱ្យ​ហេតុការណ៍​សោកនាដកម្មបាត់​យន្តហោះ​​នេះ​កើត​ឡើង​​ជាថ្មី​​ទៀត សហគមន៍​អន្តរជាតិ​នឹង​ចុះ​ហត្ថលេខា​លើ​កិច្ចព្រមព្រៀង​មួយ​បំពាក់​ប្រព័ន្ធ​កំណត់​ទីតាំង​យន្តហោះ​ដោយ​ផ្កាយ​រណប​ លើ​គ្រប់​យន្តហោះ​ទាំង​អស់។ នេះ​បើ​តាម​ការ​គូស​បញ្ជាក់​របស់​ថ្នាក់​ដឹកនាំ​ជាន់​ខ្ពស់​អាមេរិក នៅថ្ងៃ​ម្សិលមិញ។