ងៀត សាច់គោ​ទឹកឃ្មុំ

សាច់គោ ជាសាច់​ដែលផ្អែមឆ្ងាញ់ និងអាច​យកទៅ​ធ្វើជា​អាហារបាន​ច្រើនប្រភេទ​ដូចជា ស្ល ឆា អាំង ខ...។ តែ​ថ្ងៃនេះ​យើង​នឹងបង្ហាញជូននូវ​មុខម្ហូប​មួយមុខ ដែលអ្នក​អាចយក​ធ្វើជា​គ្រឿងក្លែមក៏បានគឺ ងៀត សាច់គោទឹកឃ្មុំ។ ដូច្នះចង់ដឹងថា ​ម្ហូបមួយមុខនេះមានគ្រឿងផ្សំយ៉ាងណាខ្លះ សូមើលការបង្ហាញខោងក្រោមនេះ
 
ងៀត សាច់គោ​ទឹកឃ្មុំ
គ្រឿងផ្សំ៖
- សាច់គោ ១គីឡូក្រោម (វះជាចង្វារមូលក៏បានជាបន្ទះក៏បានតាមការចូលចិត្ត ) សូមចំណាំសាច់គោលាងទឹករួចទេីប យកទៅវះ
- ទឹកត្រី ១ ស្លាបព្រាបាយ
- អំបិល ១ ស្លាបព្រាបាយ
- ប្រេងល្ង ២ ស្លាបព្រាបាយ
- ទឹកឃ្មុំ ៣ស្លាបព្រាបាយ
- បីចេង ២ ស្លាបព្រាកាហ្វេ
- ម្រេចម៉ត់ ១ ស្លាបព្រាកាហ្វេ
- ស្ករត្នោត ឬ ស្ករសរ ១ ស្លាបព្រាកាហ្វេ
- ល្ងរ សរ ២ ឬ ៣ ស្លាបព្រាបាយ
វិធីធ្វើ៖
- យកសាច់ដែលវះជាបន្ទះៗ នឹងគ្រឿងផ្សំទាំងអស់ យកទៅ​ច្របលល់ចូលគ្នា​អោយសព្វ ទុករយៈពេលមួយម៉ោង សឹមយកទៅ​ហាល​ថ្ងៃ ២ឬ ៤ ថ្ងៃ ជាការ​ស្រេច។ 
- យើងយកទៅអាច​អាំង ឬចៀន សម្រាប់បរិភោគ​ជាមួយ ទឹក​ម្រេច ឬ​ជ្រក់ល្ហុង​ក៏បាន​តាម​ចំណូល​ចិត្ត៕
ផ្តល់សិទ្ធដោយ៖ Reasey Sovan Chea

    * សូមជូនដំណឹង! ចំពោះបណ្តោវិបសាយថ៍ផ្សេងៗដែលយក និងចង់បាន​អត្ថបទពី គេហទំព័រមង្គលការ យើងខ្ញុំ​សូមទំនាក់ទំនងមកកាន់ ការិកាល័យនិពន្ធ +855 12 895 059 ។

    * សម្រាប់ការ​ប្រឹក្សាដោយឥតគិតថ្លៃលើ​បញ្ហាដូចជា ផ្លូវភេទ ផ្លូវចិត្ត និង​ជំងឺផ្សេងៗ សូមទំនាក់​ទំនង​តាមរយៈ​ទូរស័ព្ទ +855 17 489 402 ។ សូមអរគុណ...!

    • ងៀត សាច់គោ​ទឹកឃ្មុំ