នាយក​រដ្ឋមន្រ្តី​អ៊ីស្រាអែល ទៅ​អាមេរិក ដើម្បី​​សុំ​បង្កើន​ជំនួយ​យោធា​ពី​អាមេរិក

លោក​នាយករដ្ឋមន្រ្តី​បិនចាមីន នេតានីញ៉ាហ៊ូ​ចាប់ផ្តើម​បំពេញ​ទស្សនកិច្ច​រយៈពេល​៤​ថ្ងៃ នៅ​សហរដ្ឋ​អាមេរិក។ នាយករដ្ឋមន្រ្តី​អ៊ីស្រាអែល​នឹង​ត្រូវ​ទទួល​ជួប​ដោយ​លោក​ប្រធានាធិបតី​បារ៉ាក់ អូបាម៉ា នៅ​សេតវិមាន នៅ​ល្ងាច​ថ្ងៃ​ចន្ទ ទី ៩​វិច្ឆិកា។ នៅក្នុង​ជំនួប​កំពូល​លើក​ទី ១ ចាប់តាំង​ពី​មាន​កិច្ច​ព្រមព្រៀង​​នុយក្លេអ៊ែរ​អ៊ីរ៉ង់ ដែល​ជា​សត្រូវ​របស់​អ៊ីស្រាអែល ថ្នាក់ដឹកនាំ​អាមេរិក និង​អ៊ីស្រាអែល​នឹង​ជជែក​គ្នា​ពី​ជំនួយ​យោធា ដែល​អាមេរិក​ត្រូវ​ផ្តល់​ទៅ​ឲ្យ​អ៊ីស្រាអែល ក្នុង​រយៈពេល ១០​ឆ្នាំ​ទៅមុខ។