កំពូលលំហាត់ប្រាណទាំង ១១ ជួយសម្រួលឲ្យចរាចរណ៍ឈាម​ដើរបានស្រួល

ចរាចរណ៏ឈាម​ដើរខ្សោយ និង​សម្ពាធឈាម​ឡើងខ្ពស់​ជាបញ្ហាសុខភាព​ទូទៅកំពុង​កើតចំពោះមនុស្ស​ជាច្រើន​នៅលើ​ពិភពលោក។យោងតាម​អ្នកជំនាញ​ផ្នែក​សុខភាព​ជាច្រើន​បានឲ្យដឹង​ថា ចលនា​លំហាត់ប្រាណ​មួយចំនួន​អាចជួយ​សម្រួលឲ្យ​ចរាចរណ៏ឈាម​ដើរបាន​ស្រួល និងជួយ​ឲ្យរាងកាយ​រឹងមាំក្នុង​ពេលជា​មួយគ្នា។ អ្វីដែល​អស្ចារ្យ​ជាងនេះ​ទៀតគឺ​ថា ចលនា​លំហាត់ប្រាណ​ទាំងនេះ​ចំណាយពេល​ត្រឹមតែ ១៥-២០នាទី​ប៉ុណ្ណោះ។
 
កំពូលលំហាត់ប្រាណទាំង ១១ ជួយសម្រួលឲ្យចរាចរណ៍ឈាម​ដើរបានស្រួល
ពត់ដៃ​ពត់ជើង
នេះជារឿងដំបូងដែលអ្នក​ត្រូវធ្វើនៅ​ពេលព្រឹក មុនពេល​ក្រោកចេញ​ពីលើគ្រែ។ អ្នកគ្រាន់តែ​ចំណាយពេល ២-៣នាទីប៉ុណ្ណោះ, ធ្វើវាឲ្យក្លាយ​ជាទម្លាប់​ពេលព្រឹក​របស់អ្នក។
លំហាត់ប្រាណ​សន្លាក់ដៃជើង
ចាប់ផ្តើម​ដាក់សណ្តូក​ជើងទាំងពីរឲ្យត្រង់លើឥដ្ឋ។ បញ្ឈរ​ម្រាមជើង​របស់អ្នក, លើកកែងជើង​របស់អ្នក​ឡើងរយៈ​ពេល ២-៣វិនាទី។ ត្រូវ​ប្រាកដថា ធ្វើឲ្យ​សាច់ដុំ​កំភួនជើង​របស់អ្នក​តឹងណែន​ល្អ។ ធ្វើបែបនេះ​យ៉ាងហោចណាស់​ឲ្យបាន ១០ដង។
ធ្វើលំហាត់​ប្រាណ ក
ងាយក្បាល​របស់អ្នកទៅខាង​ឆ្វេង រួចត្រលប់​ទៅស្តាំ រាប់ពី ១ដល់ ១០។ បន្ទាប់​មក បង្វិលក្បាលរបស់អ្នក​ជារង្វង់ និង​បត់ក្បាល​ចុះរហូត​ដល់វា​ប៉ះនឹងទ្រូង។ កុំភ្ញាក់ផ្អើល​នឹង​សម្លេង​ប្រឹប ព្រោះវា​ជារឿងមួយ​ធម្មតា ហើយ​បង្ហាញប្រាប់​អ្នកថា អ្នកកំពុង​តែធ្វើលំហាត់ប្រាណ​បានត្រឹមត្រូវ។
អាវ៉ង់
អាវ៉ង់​ឲ្យបាន ១០ជារៀង​រាល់ព្រឹក។ ទម្លាប់នេះ​នឹងជួយផ្តល់​ថាមពលគ្រប់គ្រាន់​ដល់អ្នក​សម្រាប់​ថ្ងៃដំបូង។
លើកកែងជើង និងម្រាមជើង
លុតជង្គង់លើឥដ្ឋ (ឲ្យបាន ៩០ដឺក្រេ) រួចលើកម្រាមជើង​របស់អ្នក​ឡើង ស្របពេលដែល​កែងជើង​របស់អ្នក​នៅលើឥដ្ឋ។ បន្ទាប់​មកដាក់​ចុះវិញ។ ប្តូរទៅ​ធ្វើនៅ​ជើងម្ខាង​ទៀត។ រួច​សាកល្បង​ធ្វើលើ​ជើងទាំងពីររបស់អ្នក​ក្នុងពេល​តែមួយ។ ទីបំផុត ធ្វើលំហាត់ប្រាណ​ដោយលើកកែង​ជើងជំនួសម្រាម​ជើងរបស់​អ្នក។
បង្វែរជើង
អង្គុយលើ​កៅអី រួចបង្វែជើង​របស់អ្នកពី​ឆ្វេងទៅស្តាំ។ ធ្វើរបៀបនេះ​ឲ្យបាន ១០ដង។ ដូច្នេះ វាមិនត្រឹមតែ​អាចជួយពង្រឹង​ដល់ចរាចរណ៏ឈាមឲ្យដើរ​បានស្រួលប៉ុណ្ណោះទេ តែក៏​ថែមទាំង​ធ្វើឲ្យជើង​របស់អ្នក​ទន់ល្វត់ល្វន់​ផងដែរ។
ធ្វើលំហាត់​ប្រាណដៃ
លំហាត់ប្រាណ​នេះមិនត្រឹមតែផ្តល់​អត្ថប្រយោជន៏ជួយពង្រឹងដ​ល់​ចរាចរណ៏ឈាម​ប៉ុណ្ណោះទេ តែវាក៏អាចជួយ​ការពារពី​ការរមួល​ក្រពើផង​ដែរ។ ដំបូងពត់​ដៃរបស់អ្នក រួចម្រាមដៃ​របស់​អ្នក។ ក្តាប់ដៃរបស់​អ្នករយៈពេល ២-៣វិនាទី។ បន្ទាប់មក​សម្រាកត្រង់​សន្លាក់​របស់អ្នក និងបង្វិលដៃ​របស់ដៃរបស់​អ្នកជាចលនា​រង្វង់ចាប់ផ្តើម​ពីស្មារយៈពេល ១នាទី។ រួចប្តូរ​ទៅដៃម្ខាង​ទៀត។
ការ​ដើរ
នេះជាលំហាត់ប្រាណ​មួយអាចផ្តល់​អត្ថប្រយោជន៏​បំផុតចំពោះ​ចរាចរណ៏ឈាម។ វាជួយរឹត​បន្តឹង និងសម្រួលដល់​សាច់ដុំជើង និងជួយ​សម្រួល​ដល់​ចរាចរណ៏ឈាម​ឲ្យដើរ​បាន​ស្រួល​ពេញទាំង​ខ្លួន​ប្រាណ។ លើសពីនេះ​ទៀត វាអាច​ជួយកាត់បន្ថយស​ម្ពាធឈាម​របស់អ្នក។ ចាប់ផ្តើម​ដំបូងដោយ​ការដើរក្នុង​រយៈចម្ងាយ​ជិតៗឲ្យបាន ២-៣ដងក្នុង ១សប្តាហ៏។
ការហែលទឹក
លំហាត់ប្រាណ​នេះមានប្រសិទ្ធិភាព​បំផុត ព្រោះវា​ជាប់ពាក់ព័ន្ធ​នឹងសាច់ដុំលើរាងកាយ​ទាំងមូល។ លើសពីនេះ​ទៀត វាជួយបង្កើន​ខ្យល់អុកស៊ីសែន​ផ្គត់ផ្គង់​ដល់បេះដូង និង​សួត។ វាផ្តល់​អត្ថប្រយោជន៏​ចំពោះសាច់ដុំ និង​សន្លាក់ដៃជើង ព្រមទាំង​សក្តិសម​ចំពោះមនុស្សគ្រប់​វ័យ​ផងដែរ។
ធ្វើយូហ្គា
លំហាត់ប្រាណយូហ្គា​ផ្តល់នូវតិចនិច​ដកដង្ហើមយ៉ាង​ល្អបំផុត ដែលអាច​ជួយបង្កើនខ្យល់​អុកស៊ីសែន​នៅក្នុង​ឈាម ក៏ដូចជាចលនា​លំហូរឈាម​ក្នុង​សាច់ដុំផងដែរ។
ការជិះ​កង់ និងការរាំ
ការជិះកង់​ជាចលនាលំហាត់ប្រាណ​មួយដ៏ល្អបំផុត ព្រោះវាអាច​ជួយសម្រួលចរាចរណ៏ឈាម​ត្រង់ផ្នែក​ខាងក្រោម​នៃរាងកាយ​របស់អ្នក។ ការរាំ​ក៏មាន​ប្រសិទ្ធិភាព​ក្នុង​ការ​ជួយពង្រឹង​ចរាចរណ៏ឈាម​ផង​ដែរ៕
ដោយ៖ ដារ៉ា
ប្រភព៖ healthyfoodteam

    * សូមជូនដំណឹង! ចំពោះបណ្តោវិបសាយថ៍ផ្សេងៗដែលយក និងចង់បាន​អត្ថបទពី គេហទំព័រមង្គលការ យើងខ្ញុំ​សូមទំនាក់ទំនងមកកាន់ ការិកាល័យនិពន្ធ +855 12 895 059 ។

    * សម្រាប់ការ​ប្រឹក្សាដោយឥតគិតថ្លៃលើ​បញ្ហាដូចជា ផ្លូវភេទ ផ្លូវចិត្ត និង​ជំងឺផ្សេងៗ សូមទំនាក់​ទំនង​តាមរយៈ​ទូរស័ព្ទ +855 17 489 402 ។ សូមអរគុណ...!

    • កំពូលលំហាត់ប្រាណទាំង ១១ ជួយសម្រួលឲ្យចរាចរណ៍ឈាម​ដើរបានស្រួល