តើ​ចិន​មាន​បំណង​សាងសង់​មូលដ្ឋាន​យោធា​នៅ​ក្នុង​ប្រទេស​ជីប៊ូទី​ឬ?

នៅ​ក្នុង​ប្រទេស​ចិន មធ្យោបាយ​ឃោសនា​មហាជន​រដ្ឋ​បាន​ប្រាប់​ឲ្យ​ដឹង​នៅ​ថ្ងៃ​អង្គារ ទី១០ វិច្ឆិកា​ពី​ដំណើរ​ទស្សនកិច្ច​របស់​ថ្នាក់ដឹកនំា​យោធា​ជាន់ខ្ពស់​ចិន​នៅ​ក្នុង​ប្រទេស​ជីប៊ូទី​កាល​ពី​ចុង​សប្តាហ៍​កន្លង​ទៅ។ គេ​មិន​ដឹង​ពី​គោលដៅ​នៃ​ទស្សនកិច្ច​របស់​ថ្នាក់ដឹកនំា​យោធា​ជាន់​ខ្ពស់​ចិន​រូប​នោះ​ទេ តែ​កាសែត​ផ្លូវការ​យោធា​ចិន​មួយ​បែរ​ជា​បាន​ព្យាយាម​រំងាប់​ពាក្យ​ចចាមអារ៉ាម​ដែល​ថា ចិន​អាច​នឹង​សាងសង់​មូលដ្ឋាន​យោធា​មួយ​របស់​ខ្លួន​នៅ​ក្នុង​ប្រទេស​ជីប៊ូទី​ដែល​ជា​ទីតំាង​យុទ្ធសាស្រ្ត​នៅ​ក្នុង​ទ្វីបអាហ្រ្វិក។