មន្ទីរ​សាធារណការ​រាជធានី​ភ្នំពេញ ​ជួសជុលជង្ហុក​តូច​ៗនៅលើ​មហាវិថី​ព្រះ​មុនី​វង្ស​ និង​ម៉ៅ​សេ​ទុង​

រាជធានី​ភ្នំពេញ ៖ មន្ត្រី​សាលា​រាជធានី​ភ្នំពេញ ​បាន​ឲ្យ​ដឹង​ថា ​នៅ​ថ្ងៃ​ទី​១១​ ខែវិច្ឆិកា​ ឆ្នាំ​២០១៥​ នេះ មន្ទីរ​សាធារណការ និង​ដឹក​ជញ្ជូន​​រាជធានី​ភ្នំពេញ បាន​​ធ្វើ​ការ​ជួសជុល​ជង្ហុក​តូច​ៗ​​នៅ​លើ​ដង​មហា​វិថី​ចំនួន២ ដោយ​ប្រើ​​កៅស៊ូ​អ៊ុត AC ​គឺ​មហាវិថី​ព្រះ​មុនី​វង្ស​​ស្ថិត​នៅ​មុខ​វិទ្យាល័យ​បឹង​ត្របែក និង​មហាវិថី​ម៉ៅ​សេ​ទុង​​ស្ថិតនៅ​មុខ​ផ្សារ​សាមគ្គី​​ ដើម្បី​បញ្ចៀសការគ្រោះ​ថ្នាក់​ផ្សេងៗ និង​ជួយ​​សម្រួល​ដល់​ការ​ធ្វើ​ដំណើរ​​​ផង​ដែរ ៕