ប្រទេស​នៅ​អឺរ៉ុប​បើក​ប្រតិបត្តិការ​គាស់រំលើង​បណ្តាញ​ជីហាត

ប៉ូលិស​អ៊ីតាលី កាល​ពី​ថ្ងៃ​ព្រហស្បតិ៍ ទី ១២​វិច្ឆិកា បាន​ប្រកាស​ថា ខ្លួន​បាន​បើក​ប្រតិបត្តិការ​បង្រ្កាប​បណ្តាញ​ក្រុមជីហាត នៅក្នុង​ទឹកដី​អឺរ៉ុប។ ទៅតាម​ដីការ​ប្រឆាំង​នឹង​ជនសង្ស័យ​១៧​នាក់ មនុស្ស​៦នាក់ ត្រូវ​បាន​ចាប់ខ្លួន​នៅ​អ៊ីតាលី ៤​នាក់ នៅ​អង់គ្លេស និង​៣នាក់​នៅ ប្រទេស​ន័រវែស។ តាម​ប៉ូលិស​អ៊ីតាលី បណ្តាញ​របស់​ក្រុមជីហាត មាន​គម្រោង​ធ្វើ​ភេរវកម្ម ឬ​ការចាប់​ជំរិត ដើម្បី​ដាក់​គំនាប​ឲ្យ​រដ្ឋាភិបាល​ន័រវែស​ដោះលែង​មេដឹកនាំ​ជនជាតិ​គួដ​អ៊ីរ៉ាក់ ម៉ូឡា ក្រេកា។