សហជីព និង ថៅកែ​រោងចក្រ​មិន​ពេញចិត្ត​សេ​ក្តី​ព្រាង​ច្បាប់​សហជីព​ដែល​រដ្ឋាភិបាល​បានអនុម័ត

សេចក្តីព្រាងច្បាប់​ស្តីពី សហជីព ដែល​បាន​ចំណាយពេល​រៀបចំ​តាក់តែងឡើង៧ឆ្នាំ ត្រូវបាន​រដ្ឋាភិបាល​ក​ម្ពុ​ជា អនុម័ត​ជា​ផ្លូវការ​នៅ​ព្រឹក​ថ្ងៃ​សុក្រ​នេះ ដើម្បី​ប​ញ្ចូ​ន​បន្ត​ទៅកាន់​រដ្ឋសភាជាតិ​នាពេលខាងមុខ ដើម្បី​ពិភាក្សា និង​អនុម័ត។ មេដឹកនាំ​សហជីព និង សមាគម​រោងចក្រ​កាត់ដេរ​នៅ​កម្ពុជា បាន​សម្តែង​ការមិន​ពេញចិត្ត​ចំពោះ​សេចក្តីព្រាងច្បាប់​ថ្មី​នេះ ដោយហេតុថា សេចក្តីព្រាងច្បាប់​នេះ​មិន​ត្រូវបាន​បញ្ចូល​នូវ​ចំណុច​ព្រួយបារម្ភ​ដែល​ខ្លួន​បានស្នើ​ឡើង។