អាមេរិក​សន្យា​ផ្តល់​លុយ​ទៅ​ឲ្យ​សម្ព័ន្ធមិត្ត​អាស៊ី ដែល​ជាប់​ក្នុង​ជម្លោះ​សមុទ្រ​ចិន​ខាងត្បូង

នៅក្នុង​ដំណើរទស្សនកិច្ច នៅលើ​នាវា​ចម្បាំង​ហ្វីលីពីន ក្នុង​ក្រុងម៉ានីល កាលពី​ថ្ងៃ​អង្គារ លោក​ប្រធានាធិបតី​អាមេរិក បារ៉ាក់ អូបាម៉ា បា​ប្រកាស​សន្យា​ផ្តល់​ទឹកប្រាក់​ប្រមាណ ២៥៩​លាន​ដុល្លារ សម្រាប់​ប្រទេស​សម្ព័ន្ធមិត្ត​អាស៊ី ដែល​បច្ចុប្បន្ន ជា​ភាគី​ជម្លោះ​ដណ្តើម​ដែនទឹក ជាមួយ​ចិន នៅ​សមុទ្រ​ចិន​ខាងត្បូង។ សម្រាប់​លោក​ប្រធានាធិបតី​បារ៉ាក់ អូបាម៉ា ទឹកប្រាក់​ជំនួយ របស់​អាមេរិក នឹង​ត្រូវ​ប្រើ​ជា​ប្រយោជន៍​សម្រាប់​ពង្រឹង​សន្តិសុខ​របស់​ប្រទេស​សម្ព័ន្ធ​មិត្ត​របស់​អាមេរិក នៅ​អាស៊ី។