ភេរវជន​ពីរនាក់​ស្លាប់ ក្នុង​ប្រតិបត្តិការ​ប្រមាញ់​របស់​ប៉ូលិស នៅ​ជាយក្រុង​ប៉ារីស

ប៉ូលិស​បារាំង កំពុង​តាមប្រមាញ់​រក​ភេរវជន ដែលចូលរួម ធ្វើ​ភេរវកម្ម កាលពីថ្ងៃ​សុក្រ នៅ​កណ្តាល​ក្រុង​ប៉ារីស។ នៅ​ថ្ងៃ​ពុធ តាំង​ពី​ព្រឹក​ម៉ោង ៤ កន្លះ​ភ្លឺ ម៉ោង​ក្នុង​ស្រុក​បារាំង ប៉ូលិស​បារាំង បាន​បើក​ប្រតិបត្តិការ ឡោមព័ទ្ធ​ សាំងដេនី សង្កាត់​ជាយក្រុង​ប៉ារីស ជា​ទី ដែល​គេ​សង្ស័យ​ថា Abdelhamid Abaaoud អាឌែលហាម៉ីដ អាបាអ៊ូត មេក្លោង​ធ្វើ​ភេរវកម្ម​នៅ ប៉ារីស កំពុង​សំងំ​លាក់ខ្លួន។ ជា​តុល្យការ​ចុងក្រោយ ភេរវជន​ពីរនាក់​បាន​ស្លាប់ ចំណែក​មនុស្ស ៧នាក់ ត្រូវ​បាន​ប៉ូលិស​ចាប់ខ្លួន។