អូបាម៉ា ​គួរ​សរសើរ ​រឺ​រិះគន់ ​ពេល​ជួប​នាយក​រដ្ឋមន្ត្រី​ម៉ាឡេស៊ី?

បន្ទាប់​ពី​បាន​ចូល​រួម​ប្រជុំ ​ក្នុង​ជំនួប​កំពូល​ប្រទេស​អាស៊ី​ប៉ាស៊ីហ្វិក ​ ហៅ​កាត់​ថា ​APEC​ នៅ​ទីក្រុង​ម៉ានីល​ ប្រទេស​ហ្វីលីពីន ​លោក​អូបាម៉ា ​ប្រធានាធិបតី​សហរដ្ឋ​អាមេរិក ​បាន​ធ្វើ​ដំណើរ​ មក​កាន់​ក្រុង​កូឡាឡំពួរ​​ ដើម្បី ​ជួប​ជា​មួយ​នឹង​នាយក​រដ្ឋមន្ត្រី​ម៉ាឡេស៊ី ​លោក​ណាជិប រ៉ាហ្សាក់។ ម៉ាឡេស៊ី ​ជា​ដៃគូ​សេដ្ឋកិច្ច​ដ៏​សំខាន់​សម្រាប់​អាមេរិក​ ​ក៏​ប៉ុន្តែ​ពេល​នេះ ​លោក​អូបាម៉ា ​ប្រាកដ​ជា​ត្រូវ​ថ្លឹងថ្លែង ​ ថា​តើ​គួរ​និយាយ​យ៉ាង​ណា​ ឲ្យ​សមរម្យ ​ ព្រោះ​មួយ​រយៈក្រោយ​នេះ ​ លោក​នាយក​រដ្ឋមន្រ្តី​ម៉ាឡេស៊ី ​ត្រូវ​ជាប់​រឿង​អាស្រូវ​ពុក​រលួយ ​និង​ការ​រំលោភ​សិទ្ធិ​មនុស្ស​ ជាច្រើន​ករណី។