លោក​ហោ ណាំហុង​ ស្នើ​សមត្ថកិច្ច​ចាប់ខ្លួន​លោក​សម រង្ស៊ី ម​ក​អនុវត្ត​ទោស

លោក​ហោ ណាំហុង រដ្ឋ​មន្រ្តី​ក្រសួង​ការបរទេស​កម្ពុជា​ បាន​ស្នើដ​ល់​អាជ្ញាធរ​មាន​សមត្ថកិច្ច​ចាប់ខ្លួន​លោកសម រង្ស៊ី ​ប្រធាន​គណបក្ស​សង្រ្គោះជាតិ​មក​អនុវត្ត​ទោស​ក្នុង​ពន្ធនាគារ​ បន្ទាប់​ពីចាញ់ក្តី​លោក​ក្នុង​សំណុំ​រឿង​បរិហាកេរ្ត៍​ជា​សាធារណៈ ​និង ​ញុះញង់​ឲ្យ​មាន​ការ​រើស​អើង​។ ការ​ស្នើ​របស់​ប្រមុខ​ការទូត​កម្ពុជា​នៅ​ពេលនេះ ​គឺ​ធ្វើ​ឡើង​ស្រប​ពេល​ដែល​លោក​សម រង្ស៊ី ​កំពុង​ស្ថិត​ក្រៅ​ប្រទេស​ដោយ​មិនទាន់​ត្រូវបាន​ចាប់ខ្លួន​មក​អនុវត្ត​ទោស​នៅ​ឡើយ​។