តំណាងរាស្ត្រ​បក្ស​ប្រឆាំង​ដែល​រង​ការ​វាយដុំ​ ព្រួយ​បារម្ភ​ពី​សន្តិសុខ​ ពេល​វិល​ត្រលប់​មក​វិញ​

លោក គង់ សភា និង​លោក ញ៉យ ចំរើន អ្នកតំណាងរាស្ត្រ​គណបក្ស​សង្គ្រោះជាតិ នឹង​វិល​ត្រលប់​មកកាន់​ប្រទេស​កម្ពុជា​វិញ នៅ​ថ្ងៃទី២៤ខែវិច្ឆិកា​ខាងមុខនេះ បន្ទាប់ពី​សម្រាក​ព្យាបាល​របួស​នៅ​ទីក្រុង​បាងកក​ប្រទេស​ថៃ​អស់​រយៈពេល​ជិត១ខែ។ ស្ថានភាព​មុខរបួស​បាន​ធូr​ស្រាល ហើយ​ក្រុមគ្រូពេទ្យ​ក៏បាន​អនុញ្ញាត​ឲ្យ​ចេញពី​មន្ទីរពេទ្យ​បានដែរ។ ក៏ប៉ុន្តែ​អ្វីដែល​សំខាន់ គឺ​បញ្ហា​សន្តិសុខ និង​សុវត្ថិភាព សំរាប់​អ្នកតំណាងរាស្ត្រ ព្រោះថា ជនដៃដល់​មិនទាន់​ត្រូវបាន​ចាប់ខ្លួន​ ​ពី​សំណាក់​អាជ្ញាធរ​នៅឡើយ​ទេ ក្រៅតែពី​អ្នកចេញ​មុខមក​សារភាព៣នាក់។