ចិន​នៅតែ​ធ្វើ​គ ថ្លង់​ នៅ​ក្នុង​ជម្លោះ នៅ​សមុទ្រ​ចិន​ខាងត្បូង

ទីក្រុង​ប៉េកាំង តាមរយៈ​អនុរដ្ឋមន្រ្តី​ការបរទេស កាលពី​ថ្ងៃ​អាទិត្យ ទី ២២ វិច្ចិកា បាន​បញ្ជាក់​ថា ខ្លួន​នឹង​មិន​បញ្ឈប់​សកម្មភាព​សាងសង់​សំណង់កោះ​សិប្បនិម្មិត នៅ​សមុទ្រ​ចិន​ខាងត្បូង​នោះទេ។ ជាថ្មី​ម្តងទៀត នៅក្នុង​កិច្ចប្រជុំ​កំពូល​អាស៊ាន​លើក​ទី ២៧ ដែល​កំពុង​បើកធ្វើ​នៅ ប្រទេស​ម៉ាឡេស៊ី ប្រទេស​ចិន​បាន​រងការរិះគន់​ពី​លោកប្រធានាធិបតី​អាមេរិក និង​ថ្នាក់ដឹកនាំ​របស់​ប្រទេស​សមាជិក​អាស៊ាន​ដែល​កំពុង​ឈ្លោះ ជាមួយ ចិន ក្នុង​ជម្លោះ​ដណ្តើម​ដែនទឹក​នៅ​សមុទ្រ​ចិន​ខាងត្បូង។