បើក​ម៉ាស៊ីនច្រូតស្រូវ​ប៉ះ​មីនតោន​ផ្ទុះ​កក្រើក ស្លាប់​១ របួសធ្ងន់​២

ខេត្តបាត់ដំបង ៖​ មនុស្ស​៣នាក់បាន​​​រងរបួស​ធ្ងន់ ក្នុងនោះ​ម្នាក់​ត្រូវ​​ស្លាប់ពេល​​បញ្ជូន​ដល់​មន្ទីរពេទ្យ បន្ទាប់​ពួកគេ​ជួប​ហេតុ​ការណ៍​ផ្ទុះ​មីន​​តោន​មួយ​ ខណៈ​ពួកគេ​កំពុងបើកម៉ាស៊ីន​ច្រូត​ស្រូវ​​ប៉ះ​ចំ​គ្រាប់មីន​​ បង្ក​ឱ្យ​​មាន​ការភ្ញាក់​ផ្អើល​ កាលពីវេលាម៉ោង​០៩ព្រឹក​ថ្ងៃទី​២៤ វិច្ឆិកា ២០១៥ នេះ ស្ថិតនៅ​ចំណុច​ភូមិ​សៀម ឃុំអម្ពិល​៥ដើម ស្រុកបរវេល ខេត្តបាត់ដំបង ។

ប្រភពបានឱ្យ​ដឹតងថា ជនរងគ្រោះទាំង​៣នាក់ ១-​ឈ្មោះ​វី សារួន អាយុ​២៧​ឆ្នាំ ជា​អ្នកបើកគោយន្ត (របួសធ្ងន់) មានទីលំនៅ​ក្នុង​ភូមិ​ទួល​តាសុខ ឃុំបន្សាយ​ត្រែង ស្រុកថ្មគោល ២-​ឈ្មោះ​ដួល នួន អាយុ​៣២​ឆ្នាំ ជាកម្មករ (របួសធ្ងន់)​ និង​៣-​ឈ្មោះ​ឃឹម សីហា អាយុ​​៣២​​ឆ្នាំ ជា​ម្ចាស់ស្រែ (ស្លាប់) មានទីលំនៅ​ក្នុង​ភូមិ​ព្រៃទី២ ឃុំបរវេល ស្រុកបរវេល ។ រីឯម៉ាស៊ីន​ច្រូត​ស្រូវ​បានរងខូចខាត​ច្រើន ។

ព័ត៌មាន​លម្អិត​នឹង​ផ្សាយ​ជូន​នៅ​លើ​ទំព័រ​កាសែត​កោះសន្តិភាព