ច្បាប់​ការពារ​ជាតិ​អាមេរិក​ឆ្នាំ​២០១៦ ​បាន​បន្ត​រក្សា​មន្ទីរ​ឃុំឃាំង ​Guantanamo

លោក​បារ៉ាក់ អូបាម៉ា ​ប្រធានាធិបតី​អាមេរិក ​បាន​ចុះ​ហត្ថលេខា​លើ​ច្បាប់​ការពារ​ជាតិ​ សម្រាប់​ឆ្នាំ​២០១៦ ​ដែល​មាន​​ខ្លឹមសារ​ជាអាទិ៍ ​ហាម​ឃាត់​ការ​បិទ​មន្ទីរ​ឃុំឃាំង ​Guantanamo ​ដែល​ជា​មន្ទីរ​ឃុំឃាំង​ ដែល​ធ្លាប់​ត្រូវ​បាន​គេ​​រិះគន់​​ជាខ្លាំង ​ថា​បាន​ប្រើ​ទារុណកម្ម​ធ្ងន់ធ្ងរ​ ទៅ​លើ​អ្នក​ទោស​ ដែល​ជា​ភេរវជន។ ទោះបី​លោក​ អូបាម៉ា ​ត្រូវ​បង្ខំ​ចិត្ត​ ចុះ​ហត្ថលេខា​លើ​ច្បាប់​នេះ ​ប៉ុន្តែ​លោក​នៅ​តែ​មិន​បោះបង់​ចោល​បំណង​ប្រាថ្នា ​ថា​នឹង​បិទ​មន្ទីរ​ឃុំឃាំង​ដ៏​ចម្រូង​ចម្រាស​នេះ​​ ឲ្យ​បាន​មុន​ចប់​អាណត្តិ​របស់​លោក។