បារាំង-រុស្ស៊ី៖លោក​ហូឡង់​ទៅ​បញ្ចុះបញ្ចូល​លោក​ពូទីន​ឲ្យ​រួម​សហការណ៍​ប្រឆាំង​អង្គការ​រដ្ឋអ៊ីស្លាម

នៅ​ថ្ងៃ​ព្រហស្បតិ៍ ទី២៦ វិច្ឆិកា​នេះ លោក​ប្រធានាធិបតី​បារាំង​ហ្រ្វង់ស័រ ហូឡង់​បាន​បន្ត​បេសកកម្ម​ការទូត​នៅ​បរទេស​ក្នុង​គោលដៅ​បង្កើត​ឲ្យ​មាន​សម្ព័ន្ធឯកភាព​មួយ​ក្នុង​ការ​ប្រយុទ្ធប្រឆាំង​នឹង​អង្គការ​រដ្ឋអ៊ីស្លាម​នៅ​ក្នុង​ប្រទេស​ស៊ីរី និង​អ៊ីរ៉ាក់។ បន្ទាប់​ពី​បាន​ទទួល​ជួប​លោក​នាយករដ្ឋមន្រ្តី​អង់គ្លេស​ដាវីដ កាមេរ៉ូន​ក្នុង​ទីក្រុង​ប៉ារីស លោក​ប្រធានាធិបតី​អាមេរិក​បារ៉ាក់ អូបាម៉ា​នៅ​ទីក្រុង​វ៉ាស៊ីនតោន លោកស្រី​នាយករដ្ឋមន្រ្តី​អាល្លឺម៉ង់​អង់ហ្គេឡា មែរកិល​ក្នុង​ទីក្រុង​ប៉ារីស​មក លោក​ហូឡង់​បាន​ទទួល​ជួប​លោក​ប្រមុខ​រដ្ឋាភិបាល​អ៊ីតាលី​ម៉ាតេអូ រ៉េនហ្ស៊ី​ក្នុង​ទីក្រុង​ប៉ារីស​នៅ​ព្រឹកមិញ មុន​នឹង​ទៅ​ជួប​លោក​ប្រធានាធិបតី​រុស្ស៊ី​វ្ល៉ាឌីមៀរ ពូទីន​នៅ​ក្នុង​ទីក្រុង​មូស្គូ​នា​រសៀល​ថ្ងៃ​នេះ។