ទស្សនកិច្ច ​លើក​ដំបូង​របស់ ​សម្តេច​ប៉ាប​ François នៅ​កេនយ៉ា

មនុស្ស​​យ៉ាង​ហោច​ណាស់ ​១លាន​នាក់​ ត្រូវ​បាន​គេ​រំពឹង​ថា​នឹង​មក​ស្តាប់​សន្ទរកថា ​របស់​សម្តេច​ប៉ាប​ ប្រមុខ​សង្ឃ​កាតូលិក ​នៅ​ក្នុង​ទីក្រុង ​ណៃរ៉ូប៊ី ​ប្រទេស​កេនយ៉ា។ នេះ​ជា​ទស្សនកិច្ច​លើក​ទីមួយ​របស់​ព្រះអង្គ ​ដែល​ធ្វើឡើង​ក្នុង​បរិបទ​វិបត្តិ​ដ៏​ធ្ងន់ធ្ងរ ​នៅ​ទ្វិប​អាហ្វ្រិក​បច្ចុប្បន្ន។ ការ​គម្រាម​កំហែង ​ពី​សំណាក់​ក្រុម​ប្រកាន់​សាសនា​ជ្រុល​និយម ​ដូច​ជា​ពួក​ជីហាដ​អ៊ីស្លាម ​ឆេបាប់ ​ក្រុម​បូកូហារ៉ាំ ​ជាដើម ​នឹង​ត្រូវ​ជា​ចំណុច​ក្តៅ ​ដែល​សម្តេច​ប៉ាប ​នឹង​ត្រូវ​លើក​យក​មក​ថ្លែង ​ដើម្បី​អំពាវនាវ​ ឲ្យ​គ្រប់គ្នា​ស្រលាញ់​សន្តិភាព ​ និង​ជម្រះ​ឲ្យ​អស់​នូវ​អំពើ​ហឹង្សា។