ចង់ឲ្យជីវិតអាពាហ៍ពិពាហ៍មាន​សុភមង្គលគួរតែផ្សំដំណេកមួយសប្តាហ៍ ១ដង

មនុស្សជាច្រើនយល់ថា គូស្វាមី​ដែលរួមភេទបាន​ច្រើន​ធ្វើឲ្យជីវិតកាន់តែមាន​ក្តីសុខ។ តែទោះជាយ៉ាងណា ការសិក្សាថ្មីមួយ​បាន​បដិសេធ និង​អះអាងថា អាពាហ៍ពិពាហ៍​ដែលទទួលបាន​ភាពជោគជ័យ និងមាន​សុភមង្គលបំផុត គឺគ្រាន់តែរួម​ភេទ ១ដង ក្នុងមួយសប្តាហ៍។
 
ចង់ឲ្យជីវិតអាពាហ៍ពិពាហ៍មាន​សុភមង្គលគួរតែផ្សំដំណេកមួយសប្តាហ៍ ១ដង
ដោយផ្អែកទៅលើការស្ទង់មតិមនុស្សប្រមាណជា ៣០.០០០ នាក់​ដែលមាន​អាយុ​លើសពី ៤០ឆ្នាំ អ្នក​ស្រាវជ្រាវ​បាន​រកឃើញថា កម្រិត​នៃសុភមង្គលរបស់គូស្នេហ៍អាស្រ័យទៅ​លើការ​រួមភេទ ១ដង​ក្នុងមួយសប្តាហ៍។ ការស្រាវជ្រាវ​បាន​បញ្ជាក់ថា នេះជារឿងសំខាន់ដែលអាចរក្សាទំនាក់ទំនង​ស្នេហាជាមួយនឹងដៃគូ​របស់អ្នកឲ្យបាន​ជិតស្និត​បំផុត។
អ្នកជំនាញ Amy Muise ដែលជាអ្នកដឹកនាំការសិក្សានៃសាកលវិទ្យាល័យ Toronto-Mississauga ប្រទេសកាណាដា បាន​សង្កត់ធ្ងន់ថា ទោះបីជាយ៉ាងណា អ្នកមិនត្រូវ​រួមភេទ​ជារៀងរាល់​ថ្ងៃនោះទេ។
ក្នុងការស្ទង់មតិរបស់អ្នកស្រាវជ្រាវមក​ពីសាលកវិទ្យាល័យ ឈីកាហ្គោ (អាមេរិក) បាន​វិភាគលើ​ប្រេកង់នៃឥរិយាបទផ្លូវភេទ និងសុខុមាលភាព​ទូទៅនៃជនជាតិ​អាមេរិកជាង ២៥.០០០ នាក់​ ក្នុងនោះមានបុរស ១១.២៨៥ និងស្ត្រី ១៤.២២៥ នាក់ ក្នុងអំឡុងឆ្នាំ ១៩៨៩ ដល់ ២០១២។ លទ្ធផលបាន​បង្ហាញថា សម្រាប់ប្តីប្រពន្ធដែលរួមភេទញឹកញាប់មាន​សុភមង្គល​កាន់តែ​ខ្លាំង ប៉ុន្តែឥទ្ធិពលរបស់វា​មិនស្មើនឹងគូស្នេហ៍ដែលរួមភេទ​ ១ដង​ក្នុងមួយសប្តាហ៍នោះទេ។
ដូចគ្នានេះផងដែរ​ អ្នកជំនាញបាន​សម្គាល់ឃើញថា មិនមែនមានន័យថា​ប្តីប្រពន្ធត្រូវរួមភេទមួយថ្ងៃ ១ដងនោះទេ ពួកគេអាចរួមភេទមួយសប្តាហ៍តិច​មួយសប្តាហ៍ច្រើន​ក្នុង​កម្រិត​មធ្យម អាស្រ័យទៅលើ​ការពិភាក្សារវាងគូស្វាមី៕
ដោយ៖ មង្គលការ
ប្រភព៖ soha

    * សូមជូនដំណឹង! ចំពោះបណ្តោវិបសាយថ៍ផ្សេងៗដែលយក និងចង់បាន​អត្ថបទពី គេហទំព័រមង្គលការ យើងខ្ញុំ​សូមទំនាក់ទំនងមកកាន់ ការិកាល័យនិពន្ធ +855 093 211 131 ។

    * សម្រាប់ការ​ប្រឹក្សាដោយឥតគិតថ្លៃលើ​បញ្ហាដូចជា ផ្លូវភេទ ផ្លូវចិត្ត និង​ជំងឺផ្សេងៗ សូមទំនាក់​ទំនង​តាមរយៈ​ទូរស័ព្ទ +855 17 489 402 ។ សូមអរគុណ...!

    • ចង់ឲ្យជីវិតអាពាហ៍ពិពាហ៍មាន​សុភមង្គលគួរតែផ្សំដំណេកមួយសប្តាហ៍ ១ដង