ដំណាក់កាលមាសសំខាន់៣ ដើម្បីសុខភាព និងការលូតលាស់របស់ទារក និងកុមារ

នៅពេលដែលអ្នកមានផ្ទៃពោះ អ្នកប្រាកដជាព្រួយបារម្ភអំពីសុខភាពរបស់អ្នក និងកូន។ ការព្រួយបារម្ភចម្បងរបស់មាតា គឺការលូតលាស់របស់កូននៅក្នុងផ្ទៃ និង​នៅពេលដែលកូនកើតមក​។ ក្នុងនោះម្តាយគ្រប់រូបក៏មានការព្រួយ បារម្ភអំពីរោគសញ្ញាមួយ ចំនួនអំឡុងពេលមានផ្ទៃពោះ ពេលសម្រាល និង ក្រោយពេលសម្រាល។ លើសពីនេះទៅទៀត ម្តាយគ្រប់ រូបតែងមានការព្រួយបារម្ភអំពី អាហារូបត្ថម្ភ និងសារធាតុបំប៉ននានាដើម្បីទ្រទ្រង់នូវ សុខភាពរបស់ខ្លួន សុខភាពកូននៅក្នុងផ្ទៃ និងកូននៅពេលធំឡើង។ ការលូតលាស់របស់ទារក និង​កាវិវឌ្ឍរបស់កុមារ អាស្រ័យទៅនឹងដំណាក់កាលមាសសំខាន់៣ ដូចខាងក្រោម៖

១. ដំណាក់កាលមាសទី១ គឺការលូតលាស់របស់ទារកនៅក្នុងផ្ទៃ
យោងតាមអង្គការសុខភាពពិភពលោកបានឲ្យដឹងថា ​នៅអំឡុងពេល៣ខែចុងក្រោយនៃគភ៌ ទារកនៅក្នុងផ្ទៃកំពុង លូតលាស់ធ្មេញ និងឆ្អឹង ។ ក្នុងនោះទារកពិត ជាចាំបាច់ក្នុងការទាមទារនូវជាតិ កាល់ស្យូមពីម្តាយរបស់ខ្លួន ដើម្បីធ្វើឲ្យឆ្អឹង និងធ្មេញលូតលាស់ ធ្វើឲ្យបេះដូង សរសៃប្រសាទ និងសាច់ដុំមានសុខភាពល្អ។​ លើសពីនេះទៅទៀត កាល់ស្យូមជួយឲ្យ ចង្វាក់បេះដូងទារកដំណើរការធម្មតា និងមានលទ្ធភាពក្នុងការធ្វើកំណកឈាម។

តើកង្វះជាតិកាល់ស្យូមធ្វើឲ្យម្តាយជួបនូវផលវិបាកអ្វីខ្លះ?
ប្រសិនបើម្តាយមិនទទួលទាននូវជាតិកាល់ស្យូមគ្រប់គ្រាន់ទេនោះ ម្តាយនឹងមានបញ្ហាសុខភាព ដែលទាក់ទងទៅនឹង កង្វះជាតិកាល់ស្យូម ដោយសារទារកបឺត ស្រូបនូវជាតិកាល់ស្យូមពីឆ្អឹងរបស់ម្តាយ ហើយជាលទ្ធផល ឆ្អឹងម្តាយនឹងខ្សោយ រួចក្រោយមកអាច ប្រឈមមុខនឹងជំងឺពុកឆ្អឹង។​ លើសពីនេះទៅទៀត ស្រ្តីជាម្តាយនឹងមានបញ្ហាដូចជា៖ ពិបាកសម្រាល ឈឺក្រោមចង្កេះ រមួលក្រពើ ហើមអវ:យវ:ខាងក្រោម ឈឺសន្លាក់ ល្ហិតល្ហៃ អស់កម្លាំង និងការរលូត​។​ ប្រសិនបើធ្ងន់ធ្ងរជាងនេះ វាជំរុញឲ្យ សម្ពាធឈាមឡើង ពុកឆ្អឹង ឆ្អឹងទន់​ អាងត្រគាកខូចទ្រង់ទ្រាយ ធ្មេញពុកឬបាក់ និងមានជំងឺផ្សេងៗ ទៀត។ ការផ្តល់អនុសាសន៍របស់ អង្គការសុខភាពពិភពលោក(WHO) ចំពោះស្រ្តីមានផ្ទៃពោះដែលខ្វះជាតិ កាល់ស្យូម ការញ៉ាំកាល់ស្យូមបន្ថែមជា ផ្នែកមួយនៃការថែទាំទារកក្នុងផ្ទៃ និងការទប់ស្កាត់រោគ សញ្ញាបម្រុងក្រឡាភ្លើង ពិសេសគឺការឡើងសម្ពាធឈាម។ *ស្រ្តីមានផ្ទៃពោះនៅក្នុងត្រីមាស ចុងក្រោយគួរតែបរិភោគកាល់ស្យូម ១២០០ មក្រ/ថ្ងៃ។

អាហារដែលសំបូរជាតិកាល់ស្យូមមានដូចជា÷
ដំណាក់កាលមាសសំខាន់៣ ដើម្បីសុខភាព និងការលូតលាស់របស់ទារក និងកុមារ

២. ដំណាក់កាលមាសទី២ គឺទារកស្ថិតនៅក្នុងកំណើត ១០០០ ថ្ងៃដំបូងនៃជីវិត
ដំណាក់កាលនេះ គឺជាអំឡុងពេលដែលទារកមានការលូតលាស់ខ្លាំង ទារកពិតជាចាំបាច់ណាស់ក្នុងការនាំ ចូលនូវសារជាតិ កាល់ស្យូមបន្ថែមស្មើនឹង ២-៤ដងធៀបនឹងមនុស្សពេញវ័យ ដោយផ្អែកទៅលើទម្ងន់ ខ្លួនកុមារគិតជាគីឡូក្រាម។​)ដំណាក់កាលមាសសំខាន់៣ ដើម្បីសុខភាព និងការលូតលាស់របស់ទារក និងកុមារ
តើកង្វះនូវជាតិកាល់ស្យូមចំពោះទារក នឹងបណ្តាលឲ្យមានបញ្ហាអ្វីខ្លះ?
ចំពោះទារកធ្វើឲ្យទម្ងន់ទាប ឆ្អឹងទន់ ខ្លួនតូច ញ័រដៃជើង ស្ពឹក និងឆ្អឹងស្ពោត។ លើសពីនេះទៅទៀតនឹងមាន នូវរោគសញ្ញាមួយ ចំនួនទៀតដូចជា ប្រកាច់ ស្ទះបំពង់ក គេងមិនលក់ អស់កម្លាំង មិនចង់ញ៉ាំអាហារ ភិតភ័យពេលយប់ យំយប់ អន្ទះអន្ទែង បែកញើស ថយចុះភាពស៊ាំ និងជំរុញឲ្យមានជំងឺ ដូចជាផ្តាសាយ ក្តៅខ្លួន និងក្អក ដុះធ្មេញយឺតយ៉ាវ ធ្មេញមិនរឹងមាំល្អ។​

តើអ្វីជាការលូតលាស់មិនប្រក្រតី (ភាពក្រិន)?
ភាពក្រិន ​គឺជារោគសញ្ញានៃការលូតលាស់មិនគ្រប់លក្ខណ:នៅលើខួរក្បាល និងរាងកាយកុមារនៅពេល ដែលកុមារមិនបាន ទទួលរបបអាហារ ឬអាហារូបត្ថម្ភ គ្រប់គ្រាន់ក្នុងរយ:ពេល ១០០០ថ្ងៃដំបូងនៃជីវិត។ យោងទៅតាមទិន្នន័យរបស់ ការអង្កេតផ្នែកសុខភាព និងប្រជាសាស្ត្រកម្ពុជា (CDHS) ឆ្នាំ២០១៤ បានឲ្យដឹងថា ៣២%​នៃកុមារ ដែលមានអាយុក្រោម៥ឆ្នាំ គឺមានកម្ពស់ទាបបើធៀបទៅ នឹងអាយុរបស់ពួកគេ ពោលគឺកុមារម្នាក់នៅ ក្នុងចំណោមដប់នាក់មានការលូតលាស់ មិនប្រក្រតី​ឬភាពក្រិននេះ។ មធ្យោបាយដើម្បីជៀស វាងវាងនូវភាពក្រិនគឺ ផ្តល់អាហារ ដែលសម្បូរកាល់ស្យូមឲ្យ បានគ្រប់គ្រាន់ដល់កុមារ ធ្វើលំហាត់ប្រាណឲ្យ បានទៀងទាត់ កុំលេងកីឡាលើកទម្ងន់អំឡុងពេលលូតលាស់ និងញ៉ាំអាហារសម្បូរវីតាមីន និងសារធាតុរ៉ែ ឲ្យបានគ្រប់គ្រាន់ ។

៣. ដំណាក់កាលមាសទី៣ គឺវ័យមុនចូលសាលារៀន
ក្នុងវ័យនេះ កុមារត្រូវការនូវអាហារបំប៉នក៏ដូចជាអាហារូបត្ថម្ភជាច្រើនដើម្បីទ្រទ្រង់ដល់ការលូតលាស់ ទាំងផ្នែករាងកាយ ស្មារតី​ និងសតិបញ្ញា។ ក្នុងការលូតលាស់ កាល់ស្យូមមានតួនាទីយ៉ាងសំខាន់។ ជាង ៩៩%នៃកាល់ស្យូមផ្ទុកក្នុងឆ្អឹង និងធ្មេញ ហើយមានមុខងារទ្រទ្រង់រាងកាយទាំងមូល ១%ទៀតជួយសម្រួល ដល់កំណកឈាម ការកន្ត្រាក់សាច់ដុំ និងសរសៃប្រសាទ។ កោសិកាប្រើប្រាស់ កាល់ស្យូម​ដើម្បីឲ្យមានសកម្មភាព និងជួយសម្រួលដល់ចលនាបេះដូង ឲ្យដើរបានទៀងទាត់ផង។ កង្វះជាតិកាល់ស្យូម ចំពោះកុមារ និងក្មេងជំទង់ មាននូវរោគសញ្ញា​មួយចំនួនដូចជា ប្រកាច់ ឬញាក់សាច់ដុំ យំយប់ និងងាយភិតភ័យ  ធុំអាហារ ទល់លាមក រញ៉ាំ​រញ៉ូវ និងរោគសញ្ញាធ្ងន់ធ្ងរមួយចំនួនដូចជា​​​​​ លលាដ៏ក្បាលសំប៉ែត ទ្រូងមាន់ ឆ្អឹងខូចទ្រង់ទ្រាយ (ក្បាលជង្គង់ចូលគ្នា ឬជើងកោង)។ លើសពីនេះទៅទៀត បើសិនកូនលោកអ្នកខ្វះជាតិ​កាល់ស្យូមរ៉ាំរ៉ៃ វានឹងធ្វើឲ្យសារធាតុរ៉ែរបស់ ឆ្អឹងមិនប្រក្រតី ភាពរឹងមាំរបស់ឆ្អឹងថយចុះឬបាត់បង់ រោគក្រិស រមួលក្រពើ សាច់ដុំកន្ត្រាក់ជាប់។ យោងតាមស្ថិតិឆ្នាំ ២០១៣នៃ United Nations Children’s Fund (UNICEF) បានឲ្យដឹងថា ក្នុងចំណោមកុមារបួននាក់នៅក្នុងពិភពលោក មានម្នាក់លូតលាស់មិនប្រក្រតី។

ជាការពិត អ្នកម្តាយគ្រប់រូបពិតជាមិនចង់ឲ្យកូនរបស់ខ្លួនលូតលាស់មិនប្រក្រតី និងមានភាពក្រិននោះទេ ដូច្នេះអ្នកម្តាយគួរតែ ផ្តល់នូវអាហារូបត្ថម្ភ ទាំងឡាយណា ដែលសម្បូរជាតិកាល់ស្យូមដល់កូន។

តើកុមារត្រូវការកាល់ស្យូមប្រចាំថ្ងៃប៉ុន្មាន?​
តម្រូវការកាល់ស្យូមជាមធ្យម (មីលីក្រាម/ថ្ងៃ) សម្រាប់កុមារតាមអាយុ
ដំណាក់កាលមាសសំខាន់៣ ដើម្បីសុខភាព និងការលូតលាស់របស់ទារក និងកុមារ
ដំណាក់កាលមាសសំខាន់៣ ដើម្បីសុខភាព និងការលូតលាស់របស់ទារក និងកុមារ
ដំណាក់កាលមាសសំខាន់៣ ដើម្បីសុខភាព និងការលូតលាស់របស់ទារក និងកុមារ
ដំណាក់កាលមាសសំខាន់៣ ដើម្បីសុខភាព និងការលូតលាស់របស់ទារក និងកុមារ
ដំណាក់កាលមាសសំខាន់៣ ដើម្បីសុខភាព និងការលូតលាស់របស់ទារក និងកុមារ
បញ្ចូលអត្ថបទដោយ ម៉ា

ខ្មែរឡូត

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត