ភាពតានតឹង​រវាង​រុស្ស៊ី​និង​តួកគី​កាន់តែ​រាលដាល​ទាក់ទង​នឹង​ការ​បាញ់​ទម្លាក់​យន្តហោះ​ចម្បាំង​រុស្ស៊ី

ប្រធានាធិបតី​តួកគី​ហាក់បាន​ព្យាយាម​បន្ទន់​ជំហរ​ជាមួយ​រុស្ស៊ី​ ដើម្បី​បន្ធូរបន្ថយ​ភាព​តានតឹង​ជុំវិ្​រឿង​តួកគី​បាញ់​ទម្លាក់​យន្តហោះ​ចម្បាំង​រុស្ស៊ី ក៏ប៉ុន្តែ ពី​ខាង​រុស្ស៊ី​វិញ គេហាក់ដូចជា​មិន​ទាន់​ឃើញ​ឥរិយាបថ​សម្រុះសម្រួល​តបមកវិញ​នៅឡើយទេ គឺ​មាន​តែ​ចាត់វិធានការ​បន្ថែម​ប្រឆាំង​នឹង​តួកគី។ ក្រុង​ម៉ូស្គូ​ទើប​នឹង​បាន​ប្រកាស លុបចោល​ការលើកលែង​ទិដ្ឋាការ​ជាមួយ តួកគី។ មិនតែប៉ុណ្ណោះ រុស្ស៊ី បានដំឡើង​ឲ្យប្រចាំការ​នៅលើដែនដី​ស៊ីរី​ទៅហើយ គឺ ប្រព័ន្ធ​ការពារ​ដែនអាកាស មាន​ប្រសិទ្ធិភាព​ខ្ពស់ ព្រមទាំង​បាន​បញ្ជូន​ឲ្យទៅ​បោះយុថ្កា នៅ​ជាប់នឹង ឆ្នេរ ប្រទេស​ស៊ីរី គឺ​នាវាចម្បាំង​នាំមុខមួយ​របស់រុស្ស៊ី ដែល​បំពាក់​ទៅដោយ​ប្រព័ន្ធ​ការពារ​ដែន​អាកាស។