COP21៖ កិច្ច​ប្រជុំ​បច្ចេកទេស ​មុន​បើក​សន្និសីទ​កំពូល​ស្តីពី​អាកាសធាតុ

ទីក្រុង​ប៉ារីស ​ដែល​កំពុងតែ​ត្រៀម​រៀបចំ​សន្និសីទ​ពិភពលោក​ស្តីពី ​បម្រែ​បម្រួល​អាកាសធាតុ ​ កំពុង​តែ​មមា​ញឹក ​ក្នុង​ការ​យាមកាម​សុវត្ថិភាព ​ដល់​ថ្នាក់​ដឹកនាំ ​គណៈប្រតិភូ​ពិភពលោក​ ដែល​កំពុង​តែ​ធ្វើ​ដំណើរ​មក​ដល់​ ជា​បន្ត​បន្ទាប់។ ដោយ​មិន​បង្អង់​ពេល​យូរ ​នៅ​ថ្ងៃ​អាទិត្យ​នេះ ​បារាំង​បាន​ដឹកនាំ​កិច្ច​ប្រជុំ​ជា​បឋម​ មុន​នឹង​ចាប់ផ្តើម​មហា​សន្និសីទ​ជា​ផ្លូវការ​នៅ​ថ្ងៃ​ស្អែក ​ជាមួយ​នឹង​គណៈប្រតិភូ​ទាំង​១៩៥​ប្រទេស​ ដើម្បី​ធ្វើ​ការ​ជូន​ដំណឹង​ ពី​បច្ចេកទេស​ និង​ដំណើរ​ប្រព្រឹត្តិ​ទៅ​ នៃ​មហាសន្និសីទ ​ពិភព​លោក​នេះ។ គ្រប់គ្នា​សង្ឃឹម​យ៉ាង​ខ្លាំង​ថា ​ នៅ​ចុង​បញ្ចប់​ នៃ​សន្និសីទ​កំពូល​​នេះ ​ប្រទេស​ទាំង​អស់ ​នឹង​អាច​សម្រេច​បាន​នូវ​កិច្ច​ព្រមព្រៀង​សកល​មួយ ​ ដើម្បី​ស្រោចស្រង់​ភព​ផែន​ដី ​និង​មនុស្សជាតិ​ទាំងមូល។