ឌួង ហ្សូរីដា ត្រូវមហាជន រិះគន់រឿង ប្រើភាសាបរទេស ស្តាប់មិនបាន

ភ្នំពេញៈ កញ្ញា ឌួង ហ្សូរីដា ត្រូវបានគេចាត់ទុកថា ជាពិធីការិនីសម្បូរវោហារលេចធ្លោខ្លាំង ប្រចាំពិភពសិល្បៈក្នុងចំណោម ពិធីការិនីល្បី អ្នកនាង គង់ សុជាតិ និង អ្នកនាង យុគ ចិន្តា ថ្មីៗនេះត្រូវបានអ្នកលេង បណ្តាញទំនាក់ទំនងសង្គម Facebook ធ្វើការរិះគន់យ៉ាងចាស់ដៃទៅលើនាង ខណៈដែលនាងបានបង្ហាញវត្តមាន ចូលរួមធ្វើជាពិធីការិនី ក្នុងកម្មវិធីផ្លូវការមួយ កាលពីកន្លងទៅ ថានាងប្រើភាសាបរទេសស្តាប់មិនបាន និងស្នើរទៅដល់អ្នករៀបចំកម្មវិធីឈប់អញ្ជើញ ពិធីការិនីរូបនេះឡើងកម្មវិធីតទៅទៀត ។

នៅពេលថ្មីៗនេះមានម្ចាស់ Account Facebookមួយដែលមានឈ្មោះថា Venghav Heng II បានសរសេររិះគន់នាងចំៗថា «តារាគេនិយាយអង់គ្លេសឡើងឡូយ រីឯតារាឯងវិញនិយាយអង់គ្លេសឡើងយ៉ាប់ ហើយខំប្រឹងនិយាយកាច់តុងស្ទើរស្តាប់មិនបាន។ ខំរៀនបន្ថែមទៀតណាហ្សូ ដើម្បីកុំឲ្យខ្មាស់គេដូចលើកនេះ ហើយក៏មិនមែនទើបតែម្តងនេះដែរ គឺច្រើនដងហើយនិយាយស្តាប់មិនបានបែបនេះ…»និងសាររិះគន់ជាច្រើនទៀត ។

តារាសម្តែង និងជាពិធីការិនីរូបស្អាតកូនកាត់ឡាវ កញ្ញា ឌួង ហ្សូរីដា បានយក Comment ដែលគេរិះគន់នាងមកបង្ហោះ និងបានសរសេរសារតបត បញ្ចេញយោបល់ផ្ទាល់ខ្លួន ជាភាសាខ្មែរថា « ទង្វើដែលមនុស្សមួយចំនួនកំពុងបង្កើតឡើង ដោយមានចេតនាចង់បំផ្លាញ អាជីពរបស់ខ្ញុំមួយនេះ វារឹតតែកើនរំលឹកអោយខ្ញុំខិតខំ និង ប្រឹងប្រែងបន្ថែមទៀត ដើម្បីឲ្យមានការស្រឡាញ់គាំទ្រ ពីមហាជនឲ្យកាន់តែច្រើន...! ពីមុនអ្នកគាំទ្រខ្ញុំភាគច្រើនជាមនុស្សចាស់ មានចំណេះដឹង និង ពូជពង្សល្អ ព្រោះគេគិតថាភាសា នៃការប្រើប្រាស់របស់ខ្ញុំអាចទទួលយកបាន ប៉ុន្តែបើមនុស្សមានកម្រិតមួយចំនួន ច្រើនតែថាអញ្ចេះអញ្ចុះ ព្រោះពូជគាត់អត់ធ្លាប់ឮទេដឹង?» ។

តារាស្រីដែលមានរហស្សនាមថា ជាខ្លាញីប្រចាំស្ថានីយទូរទស្សន៍អាស៊ីអាគ្នេយ៍រូបនេះ បានសរសេរសារទៀតថា «មិនអីទេបង ខ្ញុំជាមនុស្សរបស់មហាជន រមែងមានអ្នកស្អប់ និងស្រលាញ់ជារឿងធម្មតា សូម្បីតែសម្តេចតេជោ លោកខិតខំប្រឹងកសាងជាតិគ្រប់យ៉ាង ហើយតែនៅតែគេជេរលោក ចុះទម្រាំខ្ញុំនោះ ? មានតែមនុស្ស៣នាក់ស្អប់ខ្ញុំ ហើយបង្កើត Acc ថ្មីៗម្នាក់តែ10 ទៅឃើញហើយ ...! សម័យនេះសោះ បើខ្ញុំចង់តបត មិនពិបាកទេ តែសួរថាធ្វើដើម្បីអី ? បើហ្វូងឆ្កែឆ្មាហ្នឹងវាឆ្កួតហើយ អោយវាបន្តទៀតចុះ...! មាសសុទ្ធមិនខ្លាចភ្លើងទេ...! បន្តការព្រុះទៀតចុះ ...! តែសូមចាំថាការច្រណែនរបស់អ្នកឯង គឺជាការបង្ហាញអំពីភាពអន់ខ្លួនឯង ដែលធ្វើមិនដូចមនុស្ស ដែលខ្លួនកំពុងតែរិះគន់នោះទេ" ៕

ឌួង ហ្សូរីដា ត្រូវមហាជន រិះគន់រឿង ប្រើភាសាបរទេស ស្តាប់មិនបាន

ឌួង ហ្សូរីដា ត្រូវមហាជន រិះគន់រឿង ប្រើភាសាបរទេស ស្តាប់មិនបាន

ឌួង ហ្សូរីដា ត្រូវមហាជន រិះគន់រឿង ប្រើភាសាបរទេស ស្តាប់មិនបាន

ឌួង ហ្សូរីដា ត្រូវមហាជន រិះគន់រឿង ប្រើភាសាបរទេស ស្តាប់មិនបាន

ឌួង ហ្សូរីដា ត្រូវមហាជន រិះគន់រឿង ប្រើភាសាបរទេស ស្តាប់មិនបាន

ឌួង ហ្សូរីដា ត្រូវមហាជន រិះគន់រឿង ប្រើភាសាបរទេស ស្តាប់មិនបាន

ឌួង ហ្សូរីដា ត្រូវមហាជន រិះគន់រឿង ប្រើភាសាបរទេស ស្តាប់មិនបាន

ឌួង ហ្សូរីដា ត្រូវមហាជន រិះគន់រឿង ប្រើភាសាបរទេស ស្តាប់មិនបាន