សន្និសីទ​អាកាសធាតុ និងស្រមោល​​​ភេរវកម្ម​ប៉ារីស​ថ្ងៃ​ទី ១៣​វិច្ឆិកា

ភេរវកម្ម​កាល​ពីថ្ងៃ​សុក្រ ១៣វិច្ឆិកា នៅតែ​ជាស្រមោល នៅ​ក្នុង​សន្និសីទ​អាកាសធាតុ។ ពិធីបើក​សន្និសីទ​ត្រូវ​ចាប់ផ្តើម​ឡើង​ដោយ​ការ​ស្មឹងស្មាធ​រយៈពេល​ ១នាទី ដើម្បី​រំឭក​វិញ្ញានក្ខន្ធ​ជនរងគ្រោះ។ មេដឹកនាំ​មួយចំនួន ដែល​ធ្វើ​ដំណើរ​មក​ចូលរួម​ក្នុង​សន្និសីទ​ក៏​បាន​ឆ្លៀតពេល​ធ្វើ​ដំណើរ​ទៅ​ដាក់កម្រងផ្កា នៅ​ទីកន្លែង​ដែល​ទទួលរង​ការ​វាយប្រហារ​ភេរវកម្ម។ ទីគោរព​វិញ្ញានក្ខន្ធ​ជនរងគ្រោះ ដែល​កាល​ពី​ល្ងាច​ថ្ងៃ​អាទិត្យ​ម្សិលមិញ ត្រូវ​បាតុករ​ហិង្សា​មួយក្រុម​តូច​ធ្វើការ​បំផ្លិចបំផ្លាញ នៅ​ពេល​ប៉ះទង្គិច​ជាមួយ​ប៉ូលិស។ បាតុករ​រាប់រយ​នាក់​ត្រូវ​បាន​ប៉ូលិស​ចាប់ឃុំខ្លួន នៅ​ក្នុង​ហេតុការណ៍​នេះ។