អតិថិជន Cellcard ស្ទើស្រក់ទឹកភ្នែក ពេលដឹងថា ឈ្នះរង្វាន់ ២ម៉ឺនដុល្លារ ពីCellcard

ភ្នំពេញ៖ ស្ថិតក្នុងពេលវេលា ដ៏សែនរីករាយក្នុងឱកាស នៃពិធីប្រគល់រង្វាន់ ជាទឹកប្រាក់ ២ម៉ឺនដុល្លារ អតិថិជន Cellcard អ្នកនាង នូវ សាវន បានបង្ហាញពីភាពរីករាយយ៉ាងខ្លំាងចេញពីចិត្ត និងទឹកភ្នែករលីងរលោងថា “ពេលខ្ញុំដឹងថា ឈ្នះរង្វាន់ ២ម៉ឺនដុល្លារ ពីក្រុមហ៊ុន Cellcard ខ្ញុំនិងក្រុមគ្រួសារបងប្អូនទាំងអស់ សប្បាយរីករាយខ្លំាង រហូតដល់មានអ្នកខ្លះយំជាមួយនឹងទឹកប្រាក់ដ៏ច្រើននេះ”។

ការប្រគល់រង្វាន់នេះដែរ ត្រូវបានធ្វើឡើងនៅ ទីស្នាក់ការកណ្តាល នៃក្រុមហ៊ុន Cellcard នៅថ្ងៃ ទី២ ខែធ្នូ ឆ្នាំ ២០១៥នេះ ក្រុមហ៊ុន Cellcard បានប្រគល់ទឹកប្រាក់ ២ម៉ឺនដុល្លារអាមេរិក ដល់អតិថិជនដែលបាន ឈ្នះរង្វាន់ កាលពីថ្ងៃទី៣០ ខែធ្នូ ឆ្នាំ២០១៥កន្លងទៅនេះ ពីកម្មវិធី ផ្ញើសារឈ្នះ រង្វាន់ ១ម៉ឺនដុល្លារ អាមេរិក ជារៀងរាល់ថ្ងៃពី Cellcard។

ម្ចាស់រង្វាន់ទឹកប្រាក់ ២ម៉ឺនដុល្លារអាមេរិកនេះ មានឈ្មោះ នូវ សាវន ភេទស្រី មានមុខរបបជាអ្នកលក់ដូរ រស់នៅខណ្ឌច្បារអំពៅ ភ្នំពេញ បានបង្ហាញពីក្ដីរំភើបជាខ្លាំងនៅពេលដែលដឹងខ្លួនថា បានឈ្នះ រង្វាន់ធំ ពីក្រុមហ៊ុន Cellcard។

អ្នកនាង នូវ សាវន បានឲ្យដឹងថា នៅពេលដែលគាត់កំពុងទស្សនាផ្ទាល់ នូវការចាប់រង្វាន់នេះគឺខ្ញុំពិតជាមានអារម្មណ៍ រន្ធត់ចិត្តមែនទែន ជាមួយនឹងការបង្វិល ស្វែងរកលេខសំណាងរបស់អតិថិជន។ ការទន្ទឹងរងចំានោះ ក៏បានបង្ហាញជាក់ស្តែង នៅមុខកញ្ចក់ទូរទស្សន៍នូវលេខកូដសំណាង និងលេខទូរស័ព្ទរបស់ខ្ញុំ ពេលនោះការភ្ញាក់ផ្អើលដ៏ធំមួយ បានផ្ទុះឡើងពេញតែផ្ទះ អ្នកខ្លះនំាស្រែកហោយ៉ាងខ្លាំង អ្នកខ្លះលោតអោបគ្នាទៀតផង។ ការភ្ញាក់ផ្អើលនេះបានធ្វើឲ្យអ្នកជិតខាង នំាគ្នាមកសួរដោយសារតែ មិនដឹងមានរឿងអ្វី ហើយនៅពេលដែលខ្ញុំប្រាប់ពួកគាត់ពួកគាត់បានចូលរួមត្រេកអរ ជាមួយគ្រួសាររបស់ខ្ញុំទៀងផង។

សូមបញ្ជាក់ថា ម្ចាស់រង្វាន់ទឹកប្រាក់ ២ម៉ឺនដុល្លារអាមេរិកនេះ ប្រាប់ថានឹងយកទៅប្រកបរបររកស៊ី ឲ្យកាន់តែមានភាពរីកចម្រើនជាងនេះទៀត និងពិសេសសម្រាប់ផ្គត់ផ្គង់គ្រួសារ។ ជាការផ្ដាំផ្ញើដល់អតិថិជន Cellcard ដែលបានចូលរួម និងមិនទាន់បានចូលរួមកម្មវិធី «ផ្ញើសារឈ្នះរង្វាន់ ១ម៉ឺនដុល្លារជារៀងរាល់ថ្ងៃពី Cellcard» ទាំងអស់ កុំទាន់អស់សង្ឃឹម។

គួរបញ្ជាក់ផងដែរថា ដើម្បីផ្ញើសារឈ្នះរង្វាន់ ១ម៉ឺនដុល្លារ ជារៀងរាល់ថ្ងៃពី Cellcard លោកអ្នកគ្រាន់តែផ្ញើសារ ជាអក្សរ 10K រួចផ្ញើទៅកាន់ 8888 ឬខលទៅកាន់លេខ 8888 នោះលោកអ្នកនឹងទទួលបាន សារលេខកូដសំណាង ត្រឡប់មកវិញ ហើយសូម រក្សាលេខដូរសំណាងនោះទុក ដើម្បីផ្ទៀតផ្ទាត់៕

អតិថិជន Cellcard ស្ទើស្រក់ទឹកភ្នែក ពេលដឹងថា ឈ្នះរង្វាន់ ២ម៉ឺនដុល្លារ ពីCellcard