តុលាការ​ផ្តន្ទាទោស​ លោក​យ៉ែម ជ្រិន ​២៥​ឆ្នាំ ​និង​​​ពិន័យ​​៥​​លាន​​រៀល​​រឿង​​ចម្លង​​មេរោគអេដស៍​​

តុលាការ​ខេត្ត​បាត់​ដំបង ​នៅ​ព្រឹក​ថ្ងៃ​ទី​៣​ ខែ​ធ្នូ ​នេះ ​បាន​ប្រកាស​សាលក្រម​ផ្តន្ទាទោស​លោក​យ៉ែម ជ្រិន ​ឲ្យ​ជាប់​ពន្ធនាគារ​រយៈ​ពេល​២៥​ឆ្នាំ ​និង​ពិន័យ​ជា​ទឹក​ប្រាក់​ចំនួន​៥លានរៀល ​នៅ​ក្នុង​សំណុំ​រឿង​ធ្វើ​ឲ្យ​អ្នក​ភូមិ​រកា​នៅ​ក្នុង​ខេត្ត​បាត់​ដំបង​ ប្រមាណ​៣០០​នាក់​ បាន​ឆ្លង​ និង​ស្លាប់​ដោយសារ​មេរោគអេដស៍។​ សាលក្រម​នេះ​ បាន​ប្រកាស​ឡើង​បន្ទាប់​ពី​បាន​បើក​សវនាការ​ជា​អសាធារណៈ​ជា​​បន្ត​បន្ទាប់​រួច​មក។​