ឃាត់ខ្លួនបុរស វ័យ៣៣ឆ្នាំ រំលោភស្រ្តីវ័យ៥២ឆ្នាំ ពេលប្តីមិននៅផ្ទះ

ក្រចេះ៖ កម្លាំងនគរបាលស្រុកតំបែរ បានធ្វើការឃាត់ខ្លួន ជនសង្ស័យម្នាក់ ក្រោយពីបានធ្វើសកម្មភាព រំលោភស្រ្តី វ័យ៥២ឆ្នាំ ខណៈប្តីមិននៅផ្ទះ នាម៉ោងប្រមាណ៨យប់ ថ្ងៃទី២ ខែធ្នូ ឆ្នាំ២០១៥នេះ ស្ថិតនៅក្នុងស្រុកឆ្លូង ខេត្តក្រចេះ។

សាក្សីនៅកន្លែងកើតហេតុបានឲ្យដឹងថា ក្រោយពីបានចាប់រំលោភ ស្រ្តីរងគ្រោះ ជនសង្ស័យបានរត់គេចខ្លួន ភ្លាមៗ នោះកម្លាំងសមត្ថកិច្ចបានចុះ ទៅធ្វើការស្រាវជ្រាវ រុករករហូតឈានដល់ ការឃាត់ខ្លួនបាន។

មន្រ្តីនគរបាល មូលដ្ឋានបានឲ្យដឹងថា ជនសង្ស័យដែលត្រូវ ឃាត់ខ្លួននេះឈ្មោះ ផាន ហ៊ ភេទប្រុស‌ អាយុ៣៣ឆ្នាំ ជនជាតិខ្មែរ‌ មានទីលំនៅភូមិតាមាឃ ឃុំចុងជៀក ស្រុកតំបែរ ខេត្តត្បូងឃ្មុំ បច្ចុប្បន្នមកស៊ីឈ្នួលដកដំឡូង នៅចុង ភូមិសាស្រ្តឃុំកំពង់ដំរី។

មន្ត្រីនគរបាលមូលដ្ឋានបានឲ្យដឹងទៀតថា ស្រ្តីរងគ្រោះ មានឈ្មោះ ង.វ អាយុ៥២ឆ្នាំ រស់នៅស្រុកស្នួល ខេត្តក្រចេះ ។ តាមរយៈការបំភ្លឺរបស់ជនរងគ្រោះ បានឲ្យដឹងថា នៅម៉ោងកើតហេតុ ជនសង្ស័យបានចូល មកក្នុងរោងចាំចម្ការ របស់ខ្លួន នៅពេលដែលប្តីគាត់មិននៅផ្ទះ ជនសង្ស័យក៏ធ្វើសកម្មភាព ចាប់រំលោភតែម្តង។

បច្ចុប្បន្នជនសង្ស័យ ផាន ហ៊ ត្រូវបានឃាត់ខ្លួនជាបណ្តោះអាសន្ននៅ អធិការដ្ឋាន‌គរបាលស្រុកឆ្លូង ដើម្បីធ្វើការ សាកសួរ និងកសាងសំណុំរឿង ទៅតាមតាមនីតិវិធី ៕

ផ្តល់សិទ្ធដោយ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 093868723 (៨-១១ព្រឹក & ១-៥ល្ងាច) (2) អ៊ីម៉ែល (3) LINE, VIBER: 093868723 (4) តាមរយៈទំព័រហ្វេសប៊ុកខ្មែរឡូត