ជំនួប​កំពូល​ចិន-អាហ្វ្រិក​ក្នុង​បរិបទ​នៃ​កំណើន​សេដ្ឋកិច្ចចិន​​បន្ថយ​ល្បឿន​

ជំនួបកំពូល​ស្តី​ពី​កិច្ចសហប្រតិបត្តិការ​ចិន​អាហ្វ្រិក រយៈ​ពេល​ពីរ​ថ្ងៃ បាន​ចាប់​បើក​ទ្វារ​នៅថ្ងៃ​នេះ​និង​រហូត​ដល់​ថ្ងៃ​ស្អែក។ ផ្តួច​ផ្តើម​និង​រៀប​ចំ​ដោយ​ប៉េកាំង តែបាន​និង​កំពុង​​ប្រព្រឹត្ត​ទៅ​​នៅ​ក្រុង​ចូនណាស្បួ ប្រទេស​អាហ្វ្រិក​ខាង​ត្បូង។ អ្នក​វិភាគ​ខ្លះ​យល់​ថា នេះ​​សារសន្យា​របស់​ចិន​ចំពោះ​អាហ្វ្រិក ​ដែ​ល​រំពឹងយ៉ាង​​ស្លាប់​រស់​លើ​ចិន។​​ លោក ស៊ីជិនពីង ប្រធានាធិបតី​ចិន​នឹង​ត្រូវ​ប្រកាសចុះ​ហត្ថលេខា​លើ​កិច្ចព្រមព្រៀង​​ពាណិជ្ជកម្ម​មួយ​ចំនួន​ធំ បើ​ទោះ​បី​ជា​កំណើន​សេដ្ឋកិច្ច​ថយ​ចុះ ​ការ​វិនិយោគ​បាន​បន្ថយ​ល្បឿន​យ៉ាង​ខ្លាំង​ក៏ដោយ។