សមាជិក​សភា​អាមេរិក​ផ្ញើ​លិខិត​ទៅ​កាន់​លោក ​ហ៊ុន សែន​ ទំលាក់​ចោល​ការ​ចោទ​ប្រកាន់​លើ​លោក​ សម រង្ស៊ី​

សមាជិក​សភា​អាមេរិក​ចំនួន​១៦​នាក់ ​កាលពី​ថ្ងៃ​ព្រហស្បតិ៍ បាន​សរសេរ​លិខិត​មួយ ​ផ្ញើ​ទៅកាន់​លោក​នាយក​រដ្ឋ​មន្រ្តី​ ហ៊ុន សែន ​ដើម្បី​ទទូច​ឲ្យ​ទំលាក់​ចោលការ​ចោទ​ប្រកាន់​មក​លើ​លោក​សមរង្ស៊ី ​និង​បញ្ឈប់​ការ​ធ្វើ​ទុក្ខបុក​ម្នេញ​មក​លើ​គណបក្ស​ប្រឆាំង​។ លិខិត​របស់​សមាជិក​សភា​អាមេរិក​បាន​ចាត់​ទុកការ​ធ្វើ​ទុក្ខ​បុក​ម្នេញ​លើ​មេដឹក​នាំ​គណបក្ស​ប្រឆាំង​ថា ​ធ្វើ​ឲ្យ​ដំណើរ​ការ​លទ្ធិ​ប្រជា​ធិប​តេយ្យ​នៅ​កម្ពុជា​ដើរ​ថយ​ក្រោយ​។ ប៉ុន្តែ​មន្រ្តី​រដ្ឋា​ភិបាល​កម្ពុជា​បាន​ប្រតិកម្ម​ថា ៥អាណត្តិ​មក​ហើយ​ អាមេរិក​មិន​ដែល​មើល​ឃើញ​លទ្ធិ​ប្រជាធិប​តេយ្យ​កម្ពុជា​ដើរ​ទៅ​មុខ​នោះ​ទេ​។